Ерөнхийлөгч Жо Байдены захиргаа нь Арабын Нэгдсэн Эмиратад 23 тэрбум долларын зэвсэг нийлүүлэхээр шийдсэн тухай “Хилл” сонин мэдээлж байна. Төрийн департамент дахь тус сонины эх сурвалж нь 23 тэрбум долларын зэвсгийг 2025 оноос хойш нийлүүлж эхлэх төлөвлөгөөтэй байгаа юм байна. Америкчууд өөрсдийн зарсан зэвсгийг өөрсдийнх нь хүссэн стратегийн чиглэлийн дагуу, олон улсын хууль дүрмийн дагуу, хүний эрхийг зөрчилгүй хэрэглэхэд онцгой анхаарал тавихаар шийдсэн учраас ийнхүү зэвсэг нийлүүлэх хугацааг 2025 оноос хойш гэж хойшлуулсан байна.
Дональд Трамп нь Ерөнхийлөгч байхдаа Арабын Нэгдсэн Эмират ба Израйлийн хооронд энхийн хэлэлцээр байгуулахад зуучлаад улмаар Арабын оронд анх удаа F-35 сөнөөгч онгоц 50, MQ-9B нисгэгчгүй нисэх төхөөрөмж 18 болон нийт 23,37 тэрбум долларын зэвсгийг ойрын хугацаанд нийлүүлэхээр тохиролцсон юм. Гэвч Байден ялсан даруйдаа Трампын гаргасан шийдвэрүүдийг цуцлах ажлын хүрээнд зэвсэг нийлүүлэх ажиллагааг зогсоогоод байсан юм. Ингэж зогсоохдоо Америкийн орчин үеийн шинэ зэвсгийн Йемений босогчдын эсрэг ашиглахгүй гэсэн баталгаа гаргуулахаар шалтаглаж хориод байсан. Трампын гаргасан олон шийдвэрийг хүчингүй, хэрэгсэхгүй болгосны адилаар энэ олон тэрбумыг зэвсгийн наймааг зогсоож болох байсан. Гэвч 23 тэрбум доллароор хамгийн орчин үеийн зэвсэг үйлдвэрлэнэ гэдэг нь АНУ-д олон зуун мянган баталгаатай ажлыг байр бий болгоно гэсэн үг тул цуцлахгүй байсан нь дээр гэж үзсэн бололтой.
19°C
Сэтгэгдэл (0)
Сэтгэгдэл бичигдээгүй байна