Америкийн хүнсний бүтээгдэхүүн ба эмийн хяналтын алба “FDA”, Өвчний хяналт ба урьдчилан сэргийлэх төв “CDC” гэсэн маш нөлөө бүхий хоёр том байгууллага хамтран гаргасан мэдэгдлээрээ “Johnson & Johnson” компанийн үйлдвэрлэсэн корона вирусийн эсрэг вакцины хэрэглээг түр зогсоохыг зөвлөмжийг эмнэлгийн байгууллагуудад хүргүүлсэн байна.
Тус компанийн вакцин хийсэн 18-48 насны зургаан эмэгтэй хүнд, хийлгэснээс 6-13 хоногийн дараа цусны бүлэн үүсэж, судсыг бөглөсөн гаж нөлөө гарсан тул ийм шийдвэр гаргажээ. Бүлэн үүссэн эмэгтэйчүүдээс нэг нь нас барж, өөр нэгийг маш хүнд байдалтай эмнэлэгт хүргэжээ.
Дөрөвдүгээр сарын 12-ны байдлаар АНУ-д “Johnson & Johnson” компанийн вакцинаас 6,8 сая тун ашиглаад байсан аж.
АНУ ийм шийдвэр гаргасны дараа Европын эмийн бэлдмэлийн агентлаг “EMA” нь мөн адил “Johnson & Johnson” вакцины аюулгүй байдлыг нарийвчлан шалгах хугацаанд Европын холбоонд хэрэглээг нь түр зогсоохоор шийджээ.
25°C
Сэтгэгдэл (0)
Сэтгэгдэл бичигдээгүй байна