Беларусын Ерөнхийлөгч Лукашенко болон түүний гэр бүлийг хүч хэрэглэн устгах замаар улс орондоо төрийн эргэлт хийхээр шийдсэн сөрөг хүчний хоёр идэвхтнийг Орост Холбооны аюулгүй байдлын албаныхан нууц уулзалтын үеэр нь баривчилж Беларусын Улсын аюулгүй байдлыг хангах хороонд хүлээлгэн өгсөн тухай ТАССагентлаг мэдээлсэн байна.
Беларусын сөрөг хүчний энэхүү хоёр идэвхтэн нь Лукашенко ба түүний хүүхдүүдийг устгах төлөвлөгөөгөө АНУ, Польшийн тусгай албадтай хэлэлцэн зөвшөөрүүлсний дараа Беларусын Арми дах сөрөг хүчнийг дэмжигч генералуудын дэмжлэгийг авахаар тэдний төлөөний хүмүүстэй Москвад нууц уулзалт хийснийх нь дараа баривчилсан байна.
Үүний дараа Беларусын Ерөнхийлөгч хэвлэлийнхэнд хандан мэдэгдэл хийхдээ өөрийг нь устгах төлөвлөгөөг АНУ-ын Ерөнхийлөгчийн түвшинд дэмжигдсэн болохыг тогтоосон гэсэн байна. Түүнчлэн Ерөнхийлөгч Путин нь Ерөнхийлөгч Байдентай хэдэн өдрийн өмнө утсаар ярихдаа энэ хэргийн талаар түүнд дуулгасан ч ямар нэг хариу тайлбар хийгээгүй гэжээ.
Беларусын сөрөг хүчний хүмүүсийг Москвад баривчилсан талаар Оросын тал тайлбар хийхдээ Орос ба Беларус хоёр нь Холбооны улсын статустай тул Беларуст төрийн төрийн тэргүүний аминд хүрч төрийн эргэлт гаргана гэдэг нь Оросын аюулгүй байдал ноцтой нөлөөлөх тул ийм шийдвэр гаргасан гэжээ. Зарим шинжээчид энэхүү хэргийг АНУ тэргүүтэй өрнөдийн улс орнууд ОХУ-тай хил залгаа улс орнуудад төрийн эргэлт гарган Оросыг үзэн ядагч дэглэмүүдээр хүрээлүүлэх төлөвлөгөөний нэг хэсэг гэсэн байна. Оросыг хилийнх нь дагуу үзэн ядагч дэглэмүүдээр хүрээлүүлэх өрнөдийн төлөвлөгөө биелэхэд тун ойрхон байгаа юм байна. Одоогоор АНУ нь Европ тивд Украйн, Гүрж, Молдова, Литва, Латви, Эстонид илэрхий Оросыг үзэн ядагч нам, хөдөлгөөнийг төрийн эрхэнд янз бүрийн аргаар гаргаад байгаа юм байна. Беларуст Лукашенког унагаж чадвал Оросыг Европ тив талаас нь үндсэндээ үзэн ядагч Засгийн газруудаар хүрээлүүлж дуусах аж.
Сэтгэгдэл (0)
Сэтгэгдэл бичигдээгүй байна