Европын шилдэг 12 клуб бие даан Супер лигийг байгуулсныг ФИФА шүүмжилснийг “Reuters” уламжилсан байна. Супер лигийг зохион байгуулагчид нь шинэ тэмцээн зохион байгуулж байгаагаа Мадридын “Реал” клубын сайтаар дамжуулан мэдэгдээд байсан юм.
Шинэ тэмцээний оролцогчид нь “Милан, “Арсенал”, “Атлетико”, “Челси”, “Барселона, “Интер”, “Ювентус”, “Ливерпуль”, “Манчестер Сити”, “Манчестер Юнайтед”, “Реал”, “Тоттенхэм” байгууд болсон байна.
Супер лиг “Шилдэг клубууд. Шилдэг тоглогчид. Долоо хоног бүр” гэсэн уриатай болж, тэмцээний тэргүүнээр “Реал”-ын Ерөнхийлөгч Флорентино Пересийг сонгожээ.
Харин ФИФА нь өөрийнх нь саналыг асуулгүйгээр ийнхүү тусдаа тэмцээн зохион байгуулж байгааг шүүмжилжээ. Хөлбөмбөгийн тэмцээн уралдаан бүр нь хамтын ажиллагаа, шударга байдал, үл гадуурхах зарчим, санхүүгийн ашиг орлогыг шударгаар хуваарилах дээр тулгуурлах ёстой Европын хамгийн баян клубүүд энэ зарчмыг зөрчин өөрсдийгөө бусдаас дээрд тавин тусгаарласан гэж үзсэн байна.
Сэтгэгдэл (0)
Сэтгэгдэл бичигдээгүй байна