ХӨСҮТ-ийн захирал Л.Баттөр: Манайд коронавирусын мутацилагдсан хэлбэр орж ирсэн, үгүйд асуулт тавьчихаад байна. Бид өнөөдөр халдварын тархалтаа, халдвар авсан хүний хүндэрлийн явцыг харж байна. Ер нь бол харьцангүй хурдацтай байна. Мутацилагдсан вирусыг манай улсад ганц хоёр лаборатори шинжлэх боломжтой гэсэн санал өгч байгаа. Гэхдээ үүн дээр урьд нь тийм хэлбэрээр мутацид орсон вирусыг илрүүлэх туршлага багатай гэдгээ тухайн хүмүүс маань хэлж байсан. ХӨСҮТ-ийнхөн бол ДЭМБ-ээс зөвлөмж аваад, тухайн мутацид орсон халдварыг илрүүлэх аппарат гурван ширхэгийг авах төлөвлөгөөтэй байна. Өнөөдөр Япон улсад гурван вируслогич мэргэжилтэн маань сургалтад хамрагдаж байгаа бөгөөд энэ сарын сүүлээр ирнэ. Ингээд аппарат тоног төхөөрөмжөө аваад энэхүү мутацийг тодорхойлох боломжтой болно. Гэхдээ бид Япон, Солонгос руу мутацид орсон вирус байна уу үгүй юу гэдгийг шинжлүүлэхээр дээж явуулсан байна. Энэ долоо хоногтоо багтаад тухайн шинжилгээний хариу гарах байх.
Сэтгэгдэл (0)
Сэтгэгдэл бичигдээгүй байна