Өмнөд Солонгост төрөөд Америкт хоёр гэр бүлд салгаж өргүүлсэн хоёр ихэр 36 жилийн дараа төрсөн өдрөөрөө уулзсан тухай “Good Morning America” мэдээлжээ.
Молли Синерт ба Эмили Бушнел хоёр яагаад өргүүлсэн тухайгаа болон ихрийн өрөөсөнтэй гэдгээ огт мэддэггүй байжээ. Гэтэл ДНХ тест өгсний дараагаар ихэр гэдгээ мэдээд их гайхсан байна. Улмаар тэднийг Өмнөд Солонгост төрсөн даруйд нь яагаад ч юм бэ хаа байсан Америк руу салгаж өргүүлжээ. Нэгийг нь Флоридадамьдардаг гэр бүл өргөж авсан бол нөгөөхийг нь Пенсилван мужийн айл өргөж авсан байжээ. Улмаар ихэр эмэгтэйчүүд олон нийтийн сүлжээгээр дамжуулан танилцсан байна. Ингээд харилцаж байхдаа хоёул муур тэжээдэг байсан, төгсөлтийн баяр дээр хоёул адил даашинз өмссөн гээд олон адил төстэй зүйл олж мэдээд ихэд гайхсан байна.
Улмаар Молли Синерт ба Эмили Бушнел хоёр 36 жилийн дараа анх удаа уулзахдаа төрсөн өдрөөрөө уулзжээ. Эмилий Бушнел нь охиноо дагуулан эгч МиллиСинертийн гэрт Флоридад зочлон очижээ. Тэрээр уулзалтын талаар ярихдаа “Энэ бол миний амьдралын хамгийн аз жаргалтай агшин. Ихэр эгчтэй хамт өнгөрүүлж болох байсан 36 жилийг надаас хулгайлсан байна лээ” гэжээ.
11°C
Сэтгэгдэл (0)
Сэтгэгдэл бичигдээгүй байна