“Apple” компанид сэлбэг, дагалдах хэрэгсэл нийлүүлдэг Тайванийн “Quanta Computer” компани Орост байрладаг “REvil” хакерын бүлгийн дайралтад өртөж, чухал өгөгдлүүдээ алдсан тухай “Bloomberg” агентлаг мэдээлжээ. “REvil” бүлгийн хакерууд нь “Quanta Computer”-ийн өгөгдлийн санд нэвтэрч үйлдвэрлэлд нэвтрүүлж амжаагүй байгаа шинэ “MacBook” ноүтбүкийн 15 ширхэг бүдүүвч зургийг хулгайлсан байна. Хулгайлсны дараа хакерууд “Quanta Computers”-тай холбогдсон ч тус компанийн зүгээс алдагдсан өгөгдлөө буцааж авах сонирхолгүй байсан тул “Apple”-д хандсан аж. Тэд “Apple” компаниас тавдугаар сарын 1-н гэхэд 50 сая доллар өгөхгүй бол авсан мэдээллээ олон нийтэд нээлттэй болгоно гэж сүрдүүлжээ.
“REvil” бүлэг нь гол төлөв Орос ба хуучин Зөвлөлтийн бүрэлдэхүүнд байсан улсуудын компани, байгууллагууд руу дайралт хийдэг тул өрнөдийн кибер аюулгүй байдлын салбарт ажилладаг мэргэжилтнүүд тус бүлгийг Орост байрладаг, оросын иргэдээс бүрдсэн гэж үздэг юм байна.
Сэтгэгдэл (0)
Сэтгэгдэл бичигдээгүй байна