Дэлхийн хоёрдугаар дайны үеэр фашист Германы арми Сталинградын орчим бут ниргүүлсний дараа Украйны хэт үндсэрхэг үзэлтнүүдээс тогтсон “Галичина” нэртэй СС-ийн дивиз байгуулж байсныг ойн байрыг Украйны үндсэрхэг үзэлтнүүд тэмдэглэж нийслэлд сүрт жагсаал зохион байгуулжээ.
Украйны “Страна.ua” сайтын мэдээлж байгаагаар жагсаалын үеэр нэг оролцогч сэтгүүлчдэд мэдэгдэл хийхдээ “Бид бол энэ улсыг удирдаж байгаа хүч. Бид өөрийн газар нутаг дээрээ дайтаж байгаа хүч. Бид Москва хүртэл дайтах хүч. Бид СС-ийн “Галичина” дивизийн гавьяаг дурсаж, бахархаж байна” гэжээ.
Жагсаалын дараа Киевийн төвд байдаг Тусгаар тогтнолын талбай дээр болсон цуглааны үеэр өөр нэг оролцогч нь “Донецк болон Москвагийн балгасан дундуур алтан гүег дагуулан зугаална” гэжээ.
Дэлхийн хоёрдугаар дайны үеэр фашист Германы удирдлага нь томоохон ялагдлын дараа арга буюу хүч хүч нэмэхийн тулд украйны хэт үндсэрхэг үзэлтнүүдээс тогтсон “Галичина” дивизийг 1943 оны дөрөвдүгээр сарын 28-нд байгуулсан. Тэднийг фронт дээр ашиглалгүй Украйны нутаг дээрх партизануудын эсрэг, тэднийг дэмжигч энгийн иргэдийн эсрэг залхаан цээрлүүлэх ажиллагаанд ашигладаг байжээ. Энгийн номхон иргэдийг эсрэг “Галичина” дивиз нь хэрээс хэтэрсэн хэрцгийгээрээ алдартай байсан ч 1944 оны зун фронт дээр Улаан армийн их хүчтэй хийсэн анхны тулалдаанд бут ниргүүлж устгагдсан байдаг юм.
Ийнхүү илэрхий нацист, фашист үзэлтэй хүмүүс энгийн иргэдийн эсрэг харгислалаараа алдартай “Галчинина” дивизийн ойг тэмдэглэж байхад Киевийн эрх баригчид зөвшөөрч, төв талбай дээрээ цуглаан хийхийг зөвшөөрч, хамгаалалт хүртэл гаргаж өгчээ. Дэлхийн өөр ямар ч улсад, ялангуяа дайны үеэр фашист Германы эсрэг дайтаж байсан холбоотон улсуудад өнөөдөр ийм жагсаал хийхийг зөвшөөрөхгүй. Гэвч Украйнд Европ соёл, хүнлэг ардчилсан нийгэм цогцлуулах уриатай Майдан хувьсгал хийн гарч ирсэн Киевийн эрх баригчид өнөөдөр салан тусгаарлагч Донецк, Луганск мужуудаад буцаан хүчээр нэгтгэх, Крымийн хойгийг алдсаны хариуд ард иргэдээ Оросын эсрэг үзлээр нэгтгэхийн тулд ийнхүү неонацист, фашистуудыг дэмжиж байдаг аж.
11°C
Сэтгэгдэл (11)