2021/05/07
USD 2,811

Монгол улс байнгын худалдан авагч байх уу?


Хариуцсан үндсэн албаныхаа хажуугаар вакцины асуудлаар саналаа хэлэхгүй бол ердөөсөө болохгүй нь.
Мэдээж би микро биологич биш, вирус судлаач биш учир ТА БҮГД АВАХ ГЭЭХИЙН УХААНААР ХАНДААРАЙ.
Бидний дунд “ОХУ-ын Спутник вакцин сайн тул түүнийг ирэхийг хүлээнэ, эсхүл сулруулсан вирусээр тарьж байгаа тул Хятадын вероцелл вакцин их сайн гэнээ” гэдэг яриа ид өрнөж байна. Гэвч гадна, дотны мэдээллүүдээс харахад дээрхээс илүү амин чухал НЭГЭН АСУУДАЛ манай оронд тулгарах нь ойлгомжтой болсныг дүгнэж сууна.
Үүнийг маш товч байдлаар доор дурьдая.
Тэргүүлэх гүрнүүдийн хувьд вакцин нь үр дүнтэй БИЗНЕС бас давуу тал болж байна. Ямар ч вакцин тодорхой хугацаанд л үйлчлэхээр байгаа бөгөөд ингэснээр та бид нар 1 жилийн дотор ДАХИН вакцин ТАРИУЛАХ шаардлагатай болжээ.
Жишээ нь цоо шинэ буюу Мэдээллийн РНХ технологиор бүтээгдсэн вирусийнн эсрэг өндөр хамгаалалтай гэгдэж, эрэлттэй байгаа Америк, Германы “ПФАЙЗЕР” вакцины хамгаалах хугацаа 6 сараас 1 жил байна гэдгийг компанийн гүйцэтгэх захирал Алберт Бурла мэдэгдлээ. https://www.pfizer.com/.../pfizer-and-biontech-confirm...
Ойрын үед ХОРТ ХАВДРЫН эсрэг вакцин гаргаж авахаар зорьж буй МРНХ технологийг судлах, эсхүл ядаж уламжлалт вакцины технологийг хөгжүүлэх, эзэмших,үйлдвэрлэх ажилд хөрөнгө зарахгүй бол жил болгон олон сая долларыг ХҮН, МАЛЫН вакцин худалдан авахад зарцуулдаг болж эмзэгхэн эдийн засагт маань бас нэг шинэ ДАРАМТ нэмэгдэх нь.
Бүх насныханд зориулж үйлдвэрлэхээр төлөвлөж буй Пфайзер вакцин нэг тун 19,5 долларын үнэтэй гэхээр 336,0 ТЭРБУМ төгрөг жил бүр Монголоос гадагшлах нь.
Шинэ МРНХ технологийн вакциныг хоёрхон улс үйлдвэрлэж байсан бол Хятад аль хэдийн эзэмшиж, Энэтхэг, Австрали зэрэг олон орон энэ технологийн туршилтыг эхэлжээ. http://www.xinhuanet.com/engli...
2021 оны 4 сард зарлагдаж буй экспортын 1 тонн ХҮРЭН НҮҮРСНИЙ үнэ 34 доллар байна. Гэтэл уламжлалт ХЯТАД ВАКЦИНЫ үнэ 60 доллар. Ирээдүйд нүүрсээр баян Монголын маань дов толгод хэдхэн зуун мянган тун вакцины ҮНЭД Ч ХҮРЭХГҮЙ НЬ.
https://mrpam.gov.mn/news/2051...
Эндээс харахад Монгол Улс суурь шинжлэх ухаан, БИОТЕХНОЛОГИЙН салбарт хөрөнгө оруулж, өөрийн гэсэн хүн, малын вакциныг БИОКОМБИНАТЫГ түшиглэн бусад оронтой хамтран хөгжүүлж, үйлдвэрлэх ШААРДЛАГАТАЙ байна. Казахстан улс л гэхэд СПУТНИК вакцины технологи, үйлдвэрлэх эрхийг худалдаж аваад дотоод хэрэгцээгээ хангахаар болжээ.
 Дэлхий даяарчлагдаж Монголчууд бид хаа сайгүй ажиллаж, амьдарч, ирж буцаж байгаа учир шинээр дэгдсэн олон төрлийн вирус, түүний мутацлагдсан хувилбарууд нь байнга МИНИЙ, ТАНЫ ЭРҮҮЛ МЭНДИЙН хаалгыг тогшиж заналхийлсээр байх нь тодорхой байна.

НИТХ-ЫН ТӨЛӨӨЛӨГЧ ЖУКОВИЙН АЛДАРЖАВХЛАН


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.186.36
спутникээ маш яаралтай оруулж ирээчээ олон хүн хүлээж бн. Иргэдээ битгии хуураарай Оросууд за гэвэл ёогүй л хүмүүс дээ, яачив даа. Мөнгөө яаралтай шилжүүлээчээ, Түрүүлж мөнгө орсонд нь эхэлж вакцинаа хуваартлаж ачуулна шдээ, Мөнгө дансанд нь ороогүй үед хэн яаравчлан ачуулах билээ, Боддоо ард түмэнээ бод. Монголд хүн л хэрэгтэй. Урдчилж мөнгөө шилжүүлснээр бид олон хүний амийг аварна шүү Яаравчилаа рай.............. . баярлалаа
Хариулах
192.82.72.75
албан ёсны мэдээнүүдээс иш татсан байна. линкүүд дарж ороод үздээ мангараа.
Хариулах
66.181.161.114
Дэлхий даяар Ковидын эсрэг вакцины хүрэлцээ муу байгаа энэ үед вакцин үйлдвэрлэгч том гүрнүүдийн хооронд "Вакцины дайн" болж байгаа учраас нэг нь нөгөөг үгүйсгэх, гүтгэх янз бүрийн худал мэдээлэл сошиалд маш их тархаж байгааг анхаарч, аль нэг талын өрөөсгөл мэдээг хагас дутуу үзээд хамаагүй чальчих хэрэггүй! Монголчуудын хувьд хамгийн сайн вакцин нь олдож байгаа вакцин л гэж ойлгох нь зүйтэй! Бүх вакцинууд орчин үеийн маш өндөр технологиор хийгдэж байгаа учраас бидэндээ л данга!
Хариулах
103.140.11.217
Спутник л тариулъя.Хэзээ ирэх юм бэ/
Хариулах