2021/05/19
USD 2,811

​ Саудын Араб энэ сарын 17-нд хилээ нээнэ

Н.Мичидмаа
2021/05/03

Саудын Араб хилээ нээж, иргэдээ бусад улсад зорчиход тавьсан хязгаарлалтаа цуцалж байгаагаа мэдэгджээ. Саудын Арабийн Дотоод хэргийн яам энэ тухай “Twitter”-т жиргэхдээ “2021 оны тавдугаар сарын 17-ны 01 цагаас харьяат иргэдийн аялах хязгаарлалтыг цуцалж, бусад улс орнуудтай усан, хуурай замын болон агаарын харилцаагаа нээж байна” гэжээ.

 Чөлөөтэй аялж, шилжилт хөдөлгөөн хийж болох иргэд вакцин тариулсан эсвэл сар гаруй өмнө корона вирусийн халдвар аваад эдгэрсэн, 18 нас хүрээгүй хүмүүс нь өөр улсад халдвар авбал эмчилгээний зардлыг даах даатгалтай байх гэсэн шаардлагуудыг хангасан байх ёстой аж. Гадаадын иргэд Саудын Арабид ирээд 14 хоногийн карантинд заавал орж байхаар болсон байна.

 Сүүлийн нэг хоногийн дотор Саудын Арабид корона вирусийн халдвар авсан 1000 тохиолдол бүртгэгдсэн байна. Ингэснээр тус улсад албан ёсоор корона вирусийн халдвар авсан тохиолдлын тоо 401,5 мянга болжээ. Саудын Арабид корона вирусийн халдварын улмаас 6,9 мянган хүн амиа алджээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна