АНУ-ын Төрийн нарийн бичгийн дарга Энтони Блинкен “CBS” сувагт ярилцлага өгөхдөө энэ тухай ярьжээ. Тэрээр Хятад дах хүний эрхийн асуудалтай холбоотойгоор Бээжингийн Олимпыг бойктлох тухай асуултад “Бид яг одоо бойкотын асуудал дээр онцгой анхаарал хандуулахгүй байгаа. Зүгээр л бидний анхаарлыг одоохондоо татах зүйл биш гэсэн үг. Тэр болтол ахиад жилийн хугацаа байна” гэжээ. Үүний дараа хөтлөгч “Тийм зүйл боломжтой юу? гэж асуухад “Ямар нэг зүйл ер боломжгүй гэж хэзээ ч бүү ярьж байгаарай. Зүгээр л бидний анхаарал өөр зүйл дээр төвлөрсөн байна” гэжээ.
Үүний өмнөхөн Бээжинд болох өвлийн Олимпын тоглолтод оролцохгүй байх уриалгыг Канад, Норвег, АНУ-ын улстөрчид ахин гаргасан байна. Ингээд зогсохгүй хүний эрхийг хамгаалах чиглэлээр үйл ажиллагаа явуулдаг өрнөдийн 200 орчим төрийн бус байгууллагууд энэ уриалгад нэгджээ. Эдгээр улстөрчид болон байгууллагууд нь БНХАУ-ын эрх баригчдыг Шинжаан-Уйгурын өөртөө засах оронд нутгийн уугуул иргэд болох лалын шашинтан уйгур иргэдийг хоморголон устгах бодлого явуулж байна гэж буруутгаж байгаа юм.
Сэтгэгдэл (0)
Сэтгэгдэл бичигдээгүй байна