2021/05/07
USD 2,811

Судалгаа: Цахилгаан машин авсан таван хүн тутмын нэг нь ердийн хөдөлгүүртэй машиныг дахин сонгодог

Н.Мичидмаа
2021/05/04

АНУ-д цахилгаан машин худалдан авсан таван хүн тутмын нэг нь удалгүй дотоод шаталтын хөдөлгүүртэй машин ахин худалдаж авч байжээ. Энэ тухай судалгааг “Nature Energy” сэтгүүлд нийтэлсэн нь олны анхаарлыг ихэд татсан байна.

 Калифорнийн их сургуулийн Скотт Хардман, Гил Тал нар цахилгаан машинтай хүмүүсийг энэ төрлийн машинаас татгалзахад хүргэсэн шалтгааныг тодруулахаар шийджээ. Үүний тулд тэд 2012-2018 оны хооронд Калифорни мужид цахилгаан машин авсан иргэдийн дунд асуулга явуулжээ.

 Ингэхэд гибрид хөдөлгүүртэй машин авсан хүмүүсийн 20 хувь, цахилгаан машин авсан хүмүүсийн 18 хувь нь хэсэг хугацааны дараа дотоод шаталтын хөдөлгүүртэй машин ахин сонгож авч байжээ. Цахилгаан машинаас татгалзахад хүргэсэн гол шалтгаан нь цэнэглэдэг станцын хүртээмжгүй байдал болохыг судлаачид тогтоож. Цахилгаан машинаас татгалзсан хүмүүсийн 70 хувь нь хурдан цэнэглэдэг станцаар үйлчлүүлэх боломжгүй, үүнээсээ болоод ердийн 120 Вольтын ахуйн цахилгаан сүлжээнээс машинаас цэнэглэдэг байж. Харин ердийн 120 В-ийн сүлжээнээс цахилгаан машин цэнэглэвэл бүрэн цэнэг автал маш их хугацаа зарцуулдаг юм байна.

 Улмаар эрдэмтэд “Нэгэнт цахилгаан машин авсан хүн түүнээсээ ер татгалзахгүй гэж бодох хэрэггүй. Ийм бодол нь цахилгаан машины зах зээлийн өсөлтийг удаашруулна” гэсэн дүгнэлт хийсэн байна.

 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна