Хоёр өдөр дараалаад телевизийн мэдээний хоёр сурвалжлагч уналаа. Тэд зүгээр ажлаа хийж буй цагдаа дээр гүйж очоод, өөрсдөө сайн дураараа налж унаад байгаа мэт тоомжиргүй мэдэгдлийг Цагдаагийн ерөнхий газраас өгч харагдав.
2021 оны дөрөвдүгээр сарын зургаанд төв талбай руу нэвтэрч сурвалжилга бэлтгэхээр нэвтэрсэн NTV телевизийн сэтгүүлч Д.Уламбаярыг цагдаагийн албан хаагч түлхэж унагаж буй бичлэг олон нийтэд ил болов.
Өнөөдөр буюу дөрөвдүгээр сарын долооны өдөр мөн л төв талбай руу нэвтэрч сурвалжилга бэлтгэсэн Парламент телевизийн сэтгүүлч Гэрэлмааг мөн л унагалаа.
Сэтгүүлч гээд бусдаасаа давуу эрх эдлэх ёсгүй. Гэхдээ мэдээ мэдээллийг цаг тухай бүрт хурдан, шуурхай хүргэх ажиллах боломжийг төр олгох үүрэгтэй. Тиймээс ажлаа хийж яваа сэтгүүлчдийн биед халдаж, түлхэж, хүч хэрэглэж буй цагдаагийн албан хаагчдын энэ үйлдлийг эрс эсэргүүцэж байна. Биед нь халдсан цагдаагийн албан хаагчид тухай хоёр сэтгүүлчээс уучлалт гуйхыг шаардаж байна.
Сэтгэгдэл (0)
Сэтгэгдэл бичигдээгүй байна