Америкийн технологийн аварга компаниуд, түүний дотор iPhone-ын үйлдвэрлэгч компани нь бүтээгдэхүүнийхээ үнийн өсөлтийг зогсоох шинэ арга сэдсэн тухай “” мэдээлж байна.
АНУ дах чипний томоохон үйлдвэрлэгч болох “>span class="s4">Intel”, “Nvidia”, “Qualcomm” болон бичил схемийг техниктээ ашигладаг “Apple”, “Google”, “Amazon Web Services”, “Microsoft”, “Verizon”, “AT&T” зэрэг аварга том компаниуд эвсэл байгуулжээ. Ингэснээр тэд хагас дамжуулагчийн үйлдвэрлэлийг өргөтгөх, боловсронгуй болгох судалгаанд шаардлагатай 50 тэрбум долларын нөхөн төлбөр гаргуулахаар лоббидож байгаа юм байна. Энэхүү эвслээс АНУ-ын Конгресст захидал бичиж дэлхий даяар хагас дамжуулагчдын хомсдол үүсээд байгааг онцолж, 50 тэрбумын буцалтгүй тусламж үзүүлбэл алс ирээдүйдээ Америкт бичил схем нийлүүлэх ямар ч доголдолгүй, хомсдол үүсгэлгүй ажилладаг хангалтын дамжлагыг бий болгоход тустай гэж тайлбарласан байна.
Цар тахлын үеэр хүмүүс электрон бараа бүтээгдэхүүн асар ихээр сонирхон худалдан авах болсноор чипнийхомсдол үүссэн юм байна. Хүмүүс хөл хорионы үеэр гэрээс ажиллах, гэрээ цэгцлэхэд шаардлагатай ноутбүк, смартфон, ахуйн электрон бараа асар олноор худалдан авсан. Үүнээс болж хагас дамжуулагчдын хомсдол үүсэхэд дэлхийн авто машины зах зээл хамгийн түрүүнд өртсөн гэж байна.
“The New York Times” сонины мэдээлснээр энэхүү эвсэлд Америкийн автомашин үйлдвэрлэгчид ороогүй юм байна. Гэхдээ тэд АНУ-ын эрх баригчдад хандан машин үйлдвэрлэлийн салбарт зориулан бүтээгдэхүүн гаргадаг хагас дамжуулагч үйлдвэрлэгчдийг санхүүгээр дэмжихийг хүссэн мэдэгдэл явуулаад байгаа аж.
17°C
Сэтгэгдэл (2)