Данийн Засгийн газар корона вирусийн аюулгүй мутаци тархах эрсдэлийн улмаас устгалд оруулж булсан дөрвөн сая булганы сэгийг чандарлахаар шийдсэн байна. Булгануудыг өнгөрсөн оны намар устгалд оруулж, булсан тул одоо бүгдийг ухаж гаргах юм байна. Эхний ээлжид зургаан сарын мөнө булагдсан сэг ямаршуу байдалтай байгааг шалгахын тулд Норре-Фельдинг хотын орчим булсныг ухаж гаргах юм байна. Үүний дараа л бүх цогцсыг чандарлах арга хэмжээ авах бөгөөд долоодугаар сарын дундуур гэхэд бүгдийг чандарлаж дуусгахаар төлөвлөжээ.
Эрх баригчид сэгийг ухаж байгаа газрын ойр орчим эвгүй үнэр тархаж магадгүй талаар оршин суугчдад анхааруулга хүргэсэн байна. Данийн Хөдөө аж ахуйн сайд РасмусПрен “Хэсэг хугацаанд үнэртэй бас шуугиантай байх нь таагүй ч гэлээ нутгийн иргэд олон жилийн турш тодорхойгүй байдалтай амьдарч байснаас ингээд түр зуурын таагүй байдалтай тулаад гарсан нь дээр гэж бодох байх” гэжээ.
Сануулахад, Дани нь 2020 оны арванэгдүгээр сарын 5-нд улс даяар булга үржүүлгийн бүх фермд байгаа амьтадыг устгалд оруулах шийдвэр гаргасан юм. Эдгээр амьтадын дунд тархсан нэгэн төрлийн халдвар нь хүнд халдварлах эрсдэлтэй төдийгүй корона вирусийн эсрэг биет үүсэх чадвар сулруулдаг нь тогтоогдсон тул ийм шийдвэр гаргажээ. Одоогоор ийм гаж өөрчлөлтөд орсон вирусийн халдвар авсан 12 хүн бүртгэгдээд байгаа аж. Дэлхийн эрүүл мэндийн байгууллагаас булга нь хүнд аюултай коронав вирусийн халдвар тээгч мөн болохыг баталсан.
Сэтгэгдэл (0)
Сэтгэгдэл бичигдээгүй байна