Хилийн чанадад ажиллаж байсан Америкийн дипломатууд, цэргийнхэн, тусгай албаны хүмүүс сүүлийн үед “Хавана хам шинж” буюу “Хавана синдром” гэж нэрлэгдсэн нууцлаг өвчинд нэрвэгддэг болоод байгаа юм байна. “The New York Times” сонины мэдээлснээр энэ нууцлаг өвчинд нэрвэгдсэн 60 ажилтан байгаа гэж үзэж байсан ч нарийвчилсан үзлэг хийхэд 130 гаруй ажилтан болсон байна.
Хамгийн анх энэ өвчин Куба дах Америкийн ЭСЯ-ны ажилтнууд өртсөн юм. Хавана дах элчний ажилтнуудад 2016 оны сүүлээс гэнэт сонсголгүй алдагдах, дотор муухайрах, толгой өвдөх, тэнцвэр алдах зэрэг шинж тэмдгүүд зэрэгцэн илрэх болжээ. Эдгээр шинж тэмдэг илэрхийн өмнө Америкийн ЭСЯ-ны ойролцоо хачин дуу авиа сонсогддог тухай ярих болсон бөгөөд “Associated Press” тэрхүү авианы бичлэгийг хүлээн авч шинжилгээ хийгээд “самбар хумсаараа маажиж хяхтнах дуутай зэрэгцээд өндөр давтамжтайгаар хүрэлзгэнийн сэрчигнэн чимээ” гэж дүрсэлж байжээ.
Америкийн Үндэсний тагнуулын алба энэхүү дуу авиа, түүнд өртсөн дипломат болон тагнуулын ажилтнуудын судалж байгаа юм. Тус албаны Аманда Шош энэ талаар ярихдаа “Өнөөдрийн байдлаар бидэнд эдгээр үйл явдлыг шалтгааны талаар тодорхой мэдээлэл алга байгаа тул ямар таамаг дэвшүүлэх нь хариуцлагагүй хэрэг болно” гэжээ. Үүнтэй зэрэгцээд Америкийн зарим хэвлэлүүд Оросын тусгай албад Америкийн тагнуулчдыг эсрэг нууц зэвсэг туршиж байгаа тухай дуулиан мэдээлэл тарааж эхэлсэн нь ямар ч нотлох баримтгүй юм.
17°C
Сэтгэгдэл (1)