АНУ нь Афганистанаас цэргээ гаргаснаар бүс нутагт хүчний нөлөөлөлгүй болж байгаа юм байна. Иймд Афганистанаас цэргээ гаргасан ч цэргийн хүчээр нөлөөлөх боломжтой байхын тулд Төв Ази ба Ойрх Дорнодын 20 гаруй улс, түүний дотор Казахстан, Узбекистан, Тажикистан, Туркменистан зэрэг улсуудад цэргийн объект байгуулахад 240 сая доллар зарцуулахаар болсон тухай “RT” агентлаг мэдээлсэн байна.
Одоогоор АНУ-ын хуурай замын хүчний инженерийн корпус нь туслан гүйцэтгэгчдийн саналыг судлахаар бэлтгэлт ажил хийж байгаа юм байна. Туслан гүйцэтгэгчид нь нэр заагдсан улс орнуудад, бүр тодруулбал БНХАУ ба ОХУ-ын хилийн ойролцоо АНУ-ын армийн мэдлийн нисэх буудал, авто зам, усан онгоцны зогсоол, засварын цех, ус дамжуулах хоолой, эмнэлэг, цахилгаан станц зэрэг объектуудын зураг төслийг гаргаж, барьж босгох ёстой юм байна. Туслан гүйцэтгэгчид нь Америкийн армитай таван жилийн гэрээ байгуулан ажиллах аж.
Сэтгэгдэл (0)
Сэтгэгдэл бичигдээгүй байна