2021/06/15
USD 2,811

Хятадын улс Шинэ Зеланд ба Австралийн Ерөнхий сайдуудад эсэргүүцэл илэрхийлжээ

Н.Мичидмаа
2021/06/02

АНУ-ын зүгээс манай урд хөршийн эсрэг шүүмжилсэн, хориглосон мэдэгдэл хийх нь нэмэгдэхийг дагаад Америкийн найдвартай түнш, үнэнч холбоотон гэгддэг улсууд ч Хятадын эсрэг хатуу ширүүн мэдэгдэл хийх нь олширч байна. Тухайлбал, Австрали ба Шинэ Зеландын Ерөнхий сайд нар Шинжаан-Уйгурын өөртөө засах оронд хүний эрх зөрчигдөж буйд сэтгэл зовниж байгаагаа илэрхийлсэн байна. Үүний хариуд БНХАУ-ын Гадаад яамны төлөөлөгч Ван Вэнбинь нь энэ хоёрын улсын төрийн тэргүүнд хандан эрс эсэргүүцэл илэрхийлсэн байна. Тэрээр хэвлэлийн мэдэгдэл хийхдээ “Бид Австрали ба Шинэ Зеландын удирдагч нар Хонконг, Шинжаан болон Өмнөд Хятадын тэнгис дэх нөхцөл байдлын талаар хариуцлагагүй мэдэгдэл хийсэн нь бидний анхааралд өртсөн. Тэд ийм мэдэгдэл хийснээр олон улсын хууль зүйн зарчмуудын ноцтой зөрчиж байгаа юм. Энэ бол БНХАУ-ын дотоод хэрэгт бүдүүлгээр оролцсон хэрэг бөгөөд үүнтэй холбоотойгоор бид эрс эсэргүүцэл илэрхийлж байна” гэжээ.

 

Бээжин энэ мэт дотоод хэрэгт нь хөндлөнгөөс оролцож байгааг дуугүй хараад суухгүй гэдгээ мэдэгдээд хариуцлагагүй мэдэгдэл хийхээ больж, энх тайвныг эвдэх бус харин хадгалахад чиглэсэн хүчин чармайлт гаргах хэрэгтэй гэжээ. 

 

Австрали нь үүний өмнө ч Шинжаан дах хүний эрхийн асуудлыг талаар мэдэгдэл хийж байсан бол Шинэ Зеланд нь чимээгүй байсан ч АНУ холбоотон болон Их Британийн холбооны гишүүний хувьд нэгдмэл байр суурьтай гэдгээ илэрхийлэхээс өөр аргагүй болсон бололтой. Ингэснээр Австрали ба Хятад хоорондын худалдааны маргааныг шийдэх гуравдагч тал болно гэж мэдэгдсэн Шинэ Зеланд нь Хятадыг эрс шүүмжилсэн мэдэгдэл хийсэн бололтой. Австралийн зүгээс Хятадыг удаа дараа шүүмжилсний хариуд Хятад нь Австралийн арвайд 80 хувийн нэмэлт татвар, дарсанд 107-212 хувийн нэмэлт татвар ногдуулсан төдийгүй Австралийн үхрийн махны хамгийн том дөрвөн нийлүүлэгчээс үхрийн мах импортлохыг хориглоод байгаа юм. Иймд Австрали нь Дэлхийн худалдааны байгууллагад хандан зарга үүсгээд байгаа юм. 

 


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2001:2f8:1c1:c25:4c17:a668:3d5a:af28
Үг үсгийн алдаа, найруулга паг, ийм нохойн баас шиг юм нийтлэхээс ичээч сдаа. Хятадын улс, Хоёрын улсын төрийн тэргүүн мэргүүн гэж юугаа хуцаад байгаа эргүү хог уу
Хариулах