ОХУ-ын Ерөнхийлөгч Путин Омск мужид ажлын айлчлал хийх явцдаа 12 хүүхэдтэй Ситины гэр бүлтэй танилцжээ. Өрхийн тэргүүн Сергей Ситин “Сургутнефтегаз” компанид жолооч хийдэг гэдгийг сонсоод цалин хөлс, компаниас авдаг дэмжлэгийн талаар лавлаж асуужээ. Ситин хариуд нь сардаа ойролцоогоор 100 мянга орчим рублийн цалин авдаг гэсэн байна. Мөн компанийн зүгээс ажилтнуудынхаа хүүхдүүдийг нэгдүгээр ангид ороход бэлэг өгдөг, өөрөө нэг удаа компаниасаа сувилал явах эрхийн бичиг үнэгүй авсан тухайгаа хуучилж.
Ийм хариу сонссон Владимир Путин харин “Владимир Леонидович уг нь тийм ч харамч хүн биш шиг л байдаг, ийм гэр бүлүүдэд шууд дэмжлэг үзүүлж байх ёстой. “Сургутнефтегаз” компаниа шүүгээд үзэг, тэгээд том ч баян ч компани болохоор ийм олон хүүхэдтэй гэр бүлүүдийг шууд дэмждэг баймаар юм” гэжээ.
Владимир Леонидович Богданов нь “Сургутнефтегаз”компанийн эзэн бөгөөд “Форбес” сэтгүүлийн тэрбумтнуудын жагсаалтад 1,9 тэрбум доллартой гэж бүртгүүлсэн нэгэн. Түүний “Сургутнефтегаз” компани нь 2020 онд өмнөх жилийнхээсээ долоо дахин их орлого олж 742,871 тэрбум рублийн ашигтай ажилласан.
Ерөнхийлөгч Путин ийнхүү харамч биш тэрбумтан эрд хандан татгалзах боломжгүй ийм санал тавьсны дараа ТВ дэлгэцээр Богдановт ахин шууд хандаж тавьсан саналыг нь сонсож таарах болохоор туслах байх гээд Ситины гэр бүлийг ийм олон хүүхэд өсгөж байгаад баярласнаа илэрхийлээд явжээ.
Путин нь үүний өмнө ОХУ-д олон хүүхэдтэй гэр бүлд олгодог дэмжлэгийг нэмэгдүүлэх санал дэвшүлээд байсан юм. Тэрээр “Олон хүүхэдтэй гэр бүл бол Оросын ирээдүйн тулганы чулуу бөгөөд, энэ бол манай улс, үндэстнийг нэг ард түмэн болгон нэгтгэж байдаг хэдэн мянган жилийн түүхийнх нь үргэлжлэл юм” гэж мэдэгдэж байжээ. Иймд одоо харин Путин боссоос татгалзах боломжгүй санал авсан харамч биш тэрбумтан Богданов 12 хүүхэдтэй ажилтынхаа гэр бүлд ямар тусламж үзүүлэхийг Орос даяар сонирхон хүлээж байна.
17°C
Сэтгэгдэл (17)