2021/06/25
USD 2,811

​ 400 мянган Британи иргэн гэрээсээ хөөгдөж магадгүй

Н.Мичидмаа
2021/06/02


Их Британид түрээсээ төлөөгүй байр түрээслэгчдийг албадан нүүлгэхийг түр зогсоогоод байснаа цуцлахаар шийдээд байгаа юм байна. Үүнээс болоод байр түрээслэн амьдардаг 400 мянга гаруй британичууд гэрээсээ хөөгдөх эрсдэлтэй тулгараад байгаа тухай буяны ажил эрхэлдэг “Joseph Rowntree Foundation” байгууллагын судалгаа харуулсныг “The Guardian” сонин олон нийтэд хүргэжээ. Энэхүү судалгаанд зааснаар Британийн 450 мянга гаруй өрх түрээсээ төлөлгүй хугацаа хэтрүүлээд байгаагаас 90 мянган өрх нь дөрөв ба түүнээс олон сарын түрээсээ төлөөгүй яваа юм байна.

Одоо Британид  мөрдөгдөж байгаа журам ёсоор дөрвөн сар түрээсээ төлөөгүй оршин суугчдад албадан гаргах талаар мэдүүлэг хүргүүлдэг, үүнээс цөөр сараар түрээсээ төлөөгүй өрхүүдэд түрээсээ төлөх нэг сарын хугацаа авах юм байна. Ийм нөхцөлд Засгийн газар нь түрээслэгчдийн асуудлыг шийдэхэд илүү дэмжлэг үзүүлэх ёстой гэж “Joseph Rowntree Foundation” үзсэн байна. Одоо энэ зорилгоор 180 сая фунт зарцуулж байгааг хангалтгүй гэж үзсэн байна.

Түрээсээ төлөөгүй түрээслэгчийг албадан нүүлгэхийг түр зогсоох тухай заалт нь Англид зургаадугаар сарын 1-нд, Уэлсд зургаадугаар сарын 30-нд, Шотландад есдүгээр сарын 30-нд тус тус хугацаа нь дуусах юм аж.

АНУ-д ч үүнтэй адил нөхцөл байдал үүсээд байгаа бөгөөд албадан нүүлгэхийг түр зогсоох тухай заалт нь зургаадугаар сарын 30-нд хугацаа нь дуусахад сая гаруй хүн гудамжинд гарч магадгүй байдал бий болсон аж.


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.46.168
Дажгуй юм бэ. Дэлхийн хаа сайгуй цар тахлын нелее арилаагуй бн
Хариулах