Хөшигийн хөндийн нисэх буудал ирэх 7 дугаар сард ашиглалтад орно. Гэтэл нисэх буудлыг ашиглалтад оруулаагүй байхад хурдны зам ашиглаж болохооргүй байдалд хүрч, зорчиход эрсдэлтэй нөхцөл үүссэн байгаа юм. Энэ байдалтай холбогдуулан Зам тээврийн хөгжлийн яамнаас мэдээлэл хийлээ.
Зам тээврийн хөгжлийн яамны Авто замын бодлогын зохицуулалтын газрын дарга Д.Загдраднаа: Барилгын ажил 2019 оны есдүгээр сард дууссан. Тус замын хагарал өнгөрсөн жилээс эхлэн хагарч эхэлсэн. Өнгөрсөн жил нарийхан хагарал байхад нь гагнаас хийсэн байсан ч энэ жил нэмж хагарсан байна. Эвдрэлийн шалтгааныг тогтоохоор Зам тээврийн, хөгжлийн яам гүйцэтгэгч болон төслийн зөвлөгч компанитай хамтран ажлын хэсэг ажиллаж байна. Одоогийн байдлаар зам хагарсан шалтгаан нөхцөл тогтоогдоогүй байна. Хагарлыг хэрхэн засах талаар гүйцэтгэгч компани аргачлал төлөвлөгөөгөө гаргаад ажиллаж байна. Улсаас ямар нэг мөнгө гарахгүй гүйцэтгэгч компани өөрийн хөрөнгөөр 100 хувь хийнэ.Гүйцэтгэгч компаний баталгаат засварын хугацаа гурван жил буюу 2022 оны есдүгээр
сард дуусна. Замд эвдрэл гарсан нь гүйцэтгэгч компанийн 100 хувь буруу гэж үзэж байгаа.
24°C
Сэтгэгдэл (11)