2021/06/20
USD 2,811

Эрээнд саатсан ачаа барааг төмөр замаар тээвэрлэнэ


Шадар сайд С.Амарсайхан өчигдөр БНХАУ-аас Монгол Улсад суугаа Онц бөгөөд Бүрэн эрхт Элчин сайд Цай Вэньруйг хүлээн авч уулзлаа.

Хилийн боомтуудад гацсан ачаа тээврийн эргэлтийг нэмэгдүүлэх чиглэлээр Шадар сайд удаа дараалан хүсэлт тавьж ажилласны дагуу Эрээний хилийн боомтоор орж ирэх ачаа тээврийг төмөр замаар тээвэрлэхээр талууд тохиролцсон талаар Элчин сайд мэдэгдэв.

Цар тахлаас үүдэж дэлхийн олон улсад төдийгүй БНХАУ-д дотооддоо ачаа тээврийн эргэлт удаашралтай байгааг тэрээр дурдаад, хөрш орнуудын ачаа тээврийг эрчимжүүлэхээр онцгой анхаарч ажиллаж буйгаа хэллээ.

Талууд Монгол Хятадын худалдаа, эдийн засгийн хамтын ажиллагааг цар тахлын нөхцөлд аль болох хэвийн үргэлжүүлэх чиглэлээр хоёр талаас авч хэрэгжүүлж буй арга хэмжээг идэвхжүүлэх талаар хэлэлцэв.

Ялангуяа хилийн боомтуудаар нэвтрүүлэх экспорт, импортын автомашины тоог нэмэгдүүлж, БНХАУ-ын Тяньжин боомтод гацсан чингэлгүүдийг шуурхай тээвэрлэх хэлэлцээрүүдийг эрчимжүүлж байгаад Шадар сайд талархал илэрхийлэв.

 Тэрбээр “Чөлөөт бүс”-ийн үйл ажиллагааг энэ оны гуравдугаар улиралд эхлүүлэхээр бэлтгэл ажлыг хангаж буйг онцлон тэмдэглээд, хил орчмын худалдаа хамтын ажиллагааг өргөжүүлэх хэлэлцээрүүдийг яаралтай эхлүүлэхээр ажиллаж байгааг энэ үеэр дурдав.

Боомтын үйл ажиллагааг хэвийн горимд оруулах хүртэл байнгын ажиллагаатай Гадаад харилцааны яамны Төрийн нарийн бичгийн дарга Н.Анхбаяраар ахлуулсан Ажлын хэсэг Замын-Үүдэд ажиллаж байна гэж Шадар сайдын Хэвлэлийн албанаас мэдээллээ.


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.26.185
Шадар сайд харин ч маш удаан, ажлаа хийхгүй байна. Энэ асуудлыг аль эрт маш хурдан шийдэх байсан юм. Одоо юмны үнэ дийлдэхээ байлаа
Хариулах
66.181.161.104
манай хулгайчууд ийм арчаагүй, жолооч тээврээ зохицуулаад явуулчиж чадахгүй. хятад мэдээж халдвартай газраас хүн оруулахгүйг л бодно шинжилгээ өгөөд вакцин хийлгэцэн хэдэн хүн байршуулаад зохицуулчхад юу болохгүй байгаа юм.
Хариулах
192.82.90.202
Тз-вагон тээш хүлээн авах жижигхэн хашаатай. Хашаанд орох зогсох эргэх зайгүй зөвхөн халтуурын машин дүүрсэн байдаг. Гаднаас машин оруулах ямарч зайгүй ...дотор байгаа халтуурчдад ачивал хүсссэн хадсан үнэ хэлж таглана тээглэнэ. Жишээ...Вокзалаас Бөмбөгөр хүргүүлэхэд Амжиргаа-цагаан 90.000төг (2.5км). ....Тз -тээш алба үүнийг цэгцэл !
Хариулах
192.82.74.239
Иймхээн зүйлийг Хятадууд огт тооцоолоогүй гэвэл үүн шиг худлаа байхгүй шүү. Өчнөөн олон хүлээн авагчид хохирч байна, өөрсдөө яагаад огт дуугарахгүй байна ?, Монгол ЗГ Хятадын бодлогын өөдөөс дуугардаггүй, өнөө л хуучин арга барилаараа гуйх ч биш, ярилцах ч биш байсаар ийм байдалд орлоо. Тэр ОУ-ын тээвэрийн байгууллагад нь мэдэгдэх хэрэгтэй. Ийм байдлыг Дэлхийд мэдүүлэх хэрэгтэй.
Хариулах