2022/06/26
USD 2,811

Л.Энх-Амгалан: Эрдэнэт, Дархан, Өмнөговь аймагт МУИС, ШУТИС, ХААИС-ийг байгуулна

Н.Мижидмаа
2021/10/20

Засгийн газрын хуралдаанаас гарсан шийдвэрийг БШУ-ны сайд Л.Энх-Амгалан мэдээлэл өглөө. 

Тэрбээр  "Өмнө нь Улаанбаатар хотоос хөдөө орон нутагт их, дээд сургуулиудын салбар сургуулиудыг нүүлгэх тогтоол гарч байсан. Харамсалтай нь, амьдралд хэрэгжээгүй. Учир нь механик шийдвэр, нүүдэл байсан гэж ойлгож болно. Асуудлыг цогцоор нь харж чадаагүй учир хөдөө орон нутагт чанартай  боловсрол олгодог тогтолцоо бий болгож чадаагүй.Монгол Улсад 88 их, дээд сургуулийн 150 мянган оюутан байдгаас 143 мянга нь нийслэлд сурдаг бол үлдсэн 7-8 мянга нь хөдөө орон нутагт суралцаж байгаа тоон мэдээлэл байна.Тиймээс цаашдаа бид хөдөө орон нутгийн их, дээд сургуулийг хөгжүүлж, нийслэлийн төвлөрлийг сааруулна. Төгссөн оюутнуудын хэдэн хувь нь ажлын байртай болж байгааг судалж, тухайн сургуулийн чанарыг мөшгих замаар тодорхойлно. Хөдөө орон нутагт ажиллаж байгаа их, дээд сургуулийн багш нарын цалин тухайн аймаг, сумдын дунд сургуулийн багшийн цалингаас доогуур байна.

Эрдэнэт, Дархан, Өмнөговь аймагт сургалт, судалгааны цогцолбор байгуулж 10-15 мянган оюутныг сургах ШУТИС, ХААИС-ийг байгуулна. Хэрэв энд уул уурхайн мэргэжлийн хөтөлбөртэй болбол Улаанбаатарын их, дээд сургуулиудад хөтөлбөрийн давхцал гаргахгүй. Одоогоор Эрдэнэт, Дарханд оюутны дотуур байр, сургуулийн барилгын ердөө гуравны нэгийг ашиглаж байна. Тиймээс хичээлийн байруудыг өргөтгөл хийх замаар байгуулна. Харин Өмнөговь аймагт шинэ цогцолбор барина.

Мөн ахлах сургуулийн төрөлжсөн сургууль, МСҮТ, коллеж хэлбэрээр сургалтын хэлбэртэй байх болно. Улаанбаатарт авдаг дээд боловсролын сургалтын чанарыг хөдөө орон нутагт ч авах боломжийг бүрдүүлнэ. Оюутныг төгсөхөөс өмнө ажлын байртай болгодог сургуулиуд ч бий.

Хөдөө орон нутгийн их, дээд сургуульд суралцах оюутанд Боловсролын зээлийн сангаас тэтгэлэг, хөнгөлөлттэй зээл олгоно. Хөдөө орон нутагт ажиллаж байгаа их, дээд сургуулийн багш нарын цалин тухайн аймаг, сумдын дунд сургуулийн багшийн цалингаас доогуур байна. Тиймээс тэдний нийгмийн баталгааг дээшлүүлэх ипотекийн зээл олгох, цалин урамшууллыг нэмэх гэх мэт цогц хэлбэрээр асуудлыг шийдвэрлэх болно" гэлээ. 


Сэтгэгдэл (11)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.55.191.43
Сайхан мэдээ байна
Хариулах
202.9.41.72
zow hotiin towlorol arai heterlee
Хариулах
103.26.193.224
БИТГИЙ САРЛАГТ
Хариулах
103.26.193.224
СОЛИОТОЙ НОХОЙ ИЙМ ТЭНЭГ БАЛАЙ ЮМНУУД МОНГОЛЫН ДЭЭД БОЛОВСРОЛЫГ СӨНӨӨЖ БАЙНА ДАА СДА ГЭЖ
Хариулах
64.119.26.98
Нэг талаас туршлага мэдлэгтэй докторууд хөдөа явахгүй болохоор сургалтын өгөөж сулрана. Нөгөа талаас шинэ залуу багш эрдэмтэд түрж орж ирэн программ- сургалт шинэ глобал олон улсын хувилбарт хөгжинө...
Хариулах
103.212.119.98
Гайгүй эрдэмтэй багш нар нь явахгүй эндээ шигдчихвэл яахав гэдэг асуудлыг бодож үзсэн юм болов уу?
Хариулах
103.10.23.133
хийж чадвал гайхамшигуудын нэг байх болно шүү
Хариулах
202.126.94.99
Ундэслэл нь байгаам уу?! Худлаа л яриа шуудээ. Дээд боловсролын бодлогоо эхлээд гаргана уу?!!!
Хариулах
192.82.65.197
Боловсролын Их сургуулийг Архангай, Дорнод, Ховд руу тараагаач ээ. Хамгийн боломжит хувилбамр энэ шүү
Хариулах
64.119.22.100
ЗӨВ ЗӨВ
Хариулах
202.9.40.66
Nice zuw sh dee erdenet ruu nuulgee
Хариулах