Эрчим хүчний сайд Н.Тавинбэх: Цахилгаан эрчим хүчний өсөн нэмэгдэж байгаа хэрэгцээг хангах зорилгоор үйл ажиллагааны хөтөлбөрт 16 эх үүсвэр барьж байгуулахаар төсөвлөсөн. Гурван чиглэлд барьж байгуулна. Эхний чиглэл бол цахилгаан, дулааны үүсвэрийн хүчин чадлыг нэмэгдүүлнэ. Хоёрт, хатуу түлшээр ажилладаг технологитой эх үүсвэрийг барьж байгуулна. Гуравт, сэргээгдэх эрчим хүчний эх үүсвэр байгаа. Үйл ажиллагааны эх үүсвэрт тусгагдсан 16 эх үүсвэрээс төр өөрөө барих 450мегавайт хүчин чадалтай Таван толгой нүүрсний уурхайг түшиглэж баригдах Тавантолгой дулааны цахилгааны станцийн барилга угсралтын ажлыг гүйцэтгэх, гүйцэтгэгчийг сонгон шалгаруулах тендэр зарлах бэлтгэл ажил хангагдсан талаар Засгийн газарт танилцуулж энэ долоо хоногт багтаан тендер зарлахаар боллоо. Энэ цахилгаан станц нь Говийн бүсийн хэрэглээг бүрэн хангах, томоохон уул уурхайн төсөл хөтөлбөрүүдийг эрчим хүчээр хангах, шаардлагатай тохиолдолд төвийн бүсэд эрчим хүч нийлүүлэх боломжтой эх үүсвэр байгаа юм.
-2°C
Сэтгэгдэл (0)
Сэтгэгдэл бичигдээгүй байна