"Засгийн газрыг огцор" хэмээн шаардаж өнгөрөгч Баасан гаригаас эхлэн Сүхбаатарын талбайд суулт зарласан УИХ-ын гишүүн асан, МУГЖ С.Жавхлан өөрөөс нь асуулт асуусан сэтгүүлчийн толгой руу утсаараа цохиж, биед нь халдлаа.
Энэхүү үйлдэл нь Эрүүгийн хуулийн 14.2.1 дүгаар зүйл заалтыг ноцтой зөрчсөн үйлдэл байж болзошгүй байна. Тодруулбал, Төр түүний байгууллагаас хууль ёсоор тусгайлан хамгаалбал зохих нууцад хамаарахгүй асуудлаар мэдээлэл хайх, хүлээн авах иргэний эрхийг хэрэгжүүлэхэд хүч хэрэглэж, хүч хэрэглэхээр заналхийлж саад учруулсан бол дөрвөн зуун тавин нэгжээс хоёр мянга долоон зуун нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас зургаан сар хүртэл хугацаагаар зорчих эрхийг хязгаарлах ял шийтгэнэ гэж заасан "байдаг.
Түүнийг өчигдрөөс /2021.10.19/ Сангийн сайд Б.Жавхлангаас дөрвөн тэрбум төгрөг нэхэмжилсэн гэх асуудал үүсч, Б.Жавхлан сайд ч түүнээс мөнгө нэхээд өгөөгүй учраас Засгийн газрыг огцруулахаар суулт зарласан талаар мэдээллээд байгаа юм.