2021/11/27
USD 2,811

Беларусын онгоцнуудыг хурааж авна

Н.Мичидмаа
2021/11/16

Польш ба Беларусын хилийн шугам дээр Баруун Европ руу, түүн дотроо Герман руу очих гэсэн Сири, Афганистан, Иракийн 2-5 мянган дүрвэгч бөөгнөрсөнтэй холбоотой хурцадмал байдал үүсээд байгаа билээ. Польшийн тал нь Беларустай залгаа хилээ Европын холбоог дарангуйлагч нийгмээс тусгаарлаж байдаг чухал хил гэж зарлаад түүгээрээ Ойрх Дорнодын дүрвэгчдийг оруулж чадахгүй гэсэн. Улмаар Беларусын талыг онгоцоор Ойрх Дорнодоос цагаачдыг санаатайгаар зөөж авчран хил дээр хурцадмал байдал үүсгэж байна гэж буруутгаж байгаа юм. Харин Беларус нь хил дээрх цугласан хүмүүс бүгд иргэний дайны хөлөөс зугтаж, сайхан амьдрал хайн Баруун Европыг зорьж байгаа хүмүүс, тэднийг хэн ч зориуд зөөгөөгүй гээд тэдний улс орныг нь хэн бөмбөгдсөн, хэн төрийн эргэлт гарч иргэний дайн үүсэхэд хүргэсэн гэдгийг санаад, тэр улсууд л хариуцлага хүлээх ёстой гэсэн байр суурьтай байгаа юм.

Польш нь өөрийн хуулийг Европын холбооны хуулиас давуу эрхтэй болгосноор Брюссельтэй тун таагүй харилцаатай болоод байсан. Европын холбооны шүүхээс Польшид хуулиа өөрчлөх хүртэл өдөр бүр 1 сая еврогийн торгууль төлөх шийтгэл ногдуулж, цар тахлын дараа эдийн засгийг сэргээх тусламж үзүүлэхгүй зогсоосон. Гэхдээ Беларусын хил дээрх дүрвэгчдийн асуудал дээр Европын холбоо Польшийг 100 хувь дэмжиж байгаа юм. Улмаар Беларусын эсрэг ээлжит удаагийн багц хориг арга хэмжээ авахаар болсон зарлалаа.

Энэхүү ээлжит хориг арга хэмжээ нь Беларус руу дүрвэгч, хууль бус цагаачдыг зөөж байгаа Беларусын иргэний агаарын тээврийн компанийн эсрэг чиглэнэ гэж мэдэгдсэн байна. Учир юу вэ гэвэл Беларусын төрийн өмчит “Белавиа” компани нь Ирландын нэгэн компаниар дамжуулан 17 шинэ онгоц лизингээр худалдан авч нислэг үйлдэж байгаа юм байна. Тэгвэл хориг арга хэмжээний хүрээнд Ирландын Гадаад хэргийн сайд сайд нь өөрийн улсад нь бүртгэлтэй компанид шахалт үзүүлээд лизингийг цуцлаад онгоцнуудыг шууд эргүүлэн татуулах, Беларусын тал зөвшөөрөхгүй бол шүүхээр шийдүүлнэ гэж мэдэгджээ.

Зарим шинжээчид Европын холбоо ба Польшийн байр суурийг зөв зүйтэй гэж байгаа бол өөр зарим нь эрс шүүмжилж байна. Тэдний бодлоор Европын холбоо нь Ирак, Сири, Афганистаныг бөмбөгдөж улс төрийг нь үгүй хийхэд голлох үүрэг гүйцэтгэсэн атлаа одоо зүгээр байсан хүмүүсийг Лукашенко онгоцонд хүчээр суулгаад аваад ирсэн юм шиг зан гаргаж байгаа нь зүйд нийцэхгүй. Түүнчлэн, Арабын хаврын дараа Сирийн хямралын ид үе 2015-2016 онд, Европын холбоо нь Сирийн болон бусад улсаас дүрвэсэн 1 сая гаруй хүнийг хүлээн авч нутагшуулсан. Гэтэл одоо Беларусын хил дээрх 2-3 мянган хүнийг хүлээж авах гэдэг нь ямар гээч хоёр нүүр гаргаж байгааг ойлгохгүй байна гэжээ. 2015-2016 онд Сири, Ирак, Афганистаны цагаачдыг өмөөрөх ямар хүчтэй кампанит ажил явж байсныг одоо бүгд мартсанд ихэд гайхжээ. Цагаачдыг хууль бус, нутаг руу нь хөөх ёстой гэсэн хүн ёстой ад болж, ажлаас нь халж, бараг л амьдрах аргагүй байдалд оруулж байсан жишээ маш олон. Гэтэл одоо Беларусын хил дээрх цөөн хэдэн мянган хүнийг юунд нүд үзүүрлэж байгаа нь нь ойлгомжгүй байгаа аж. 


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.19.169
ЛУК ӨВӨӨ УЛСАА ОРОСД БЭЛЭГЛЭЭД ТАМРУУГАА ТОНИЛОХ БОЛЖ ДЭЭ ХАХА
Хариулах
2003:ea:e70f:6548:8464:a491:e641:3e9d
Dandaa eregtei goltsuu humuus tegeed hil deer baigaa polishii tsagdaa nariin uuduur chuluu mod shideed hucheer oroh gej uzej taraj baina ene lalii shashintanguud orj irsen hoinoo davaraad ingej hetsuu zamiig tuulj irsenee amarhan martaad ugsun hooliig ni goloj jagsaal hiij bairiig ni goloj shataadag yavdal garch baisan ter tur bairand ni zunduun eserguutsel boldog geed medeegeer ni garaad baidag bas laliin shashi tunguud allaga hadlaga geed hiihgui ym baihgui muu eriin humuus delhii deer haana dain baildaan baina dandaa laliin shashintanguudaas garch baina amerikuudiig buruutgaad l baisan odoo apganaas garaad yavanguut ni nuguu muu talibanuud emegtei hukiig surah gerees garahiig ni horiod humuusiig toohgui buudaj alaad er ni muuhai humuus
Хариулах