2022/01/16
USD 2,811

​ Омикроны аюулыг бодитоор тогтооход нэг сар шаардлагатай

Н.Мичидмаа
2021/12/03

Коронавирусийн омикрон хувилбарын бодит аюулыг тогтоон тодорхойлоход багаар бодож нэг сар шаардлагатай тул эхний үр дүн шинэ оны дараанаас гарч эхлэх тухай Британийн “Independent” сонин бичсэн байна. Тус сонин Их Британийн Засгийн газрын дэргэдэг коронавирусийн талаарх зөвлөлдөх бүлгийн эрдэмтэдтэй уулзсаны дараа ийм мэдээ гаргажээ.

 Нэр гарсан шинжлэх ухааны зөвлөлдөх бүлгийн шинжээчдийн бодлоор омикроноор халдварлан эмнэлэгт хэвтсэн хүмүүсийн тоог гаргах, нэгэнт тогтсон дархлааг хэрхэн тойрон гарч байгааг ойлгох гээд COVID-19-ийн шинэ штамм омикроны бодит аюулыг тогтооход нэг сар орчим хугацаа шаардлагатай. 

 Улмаар нэг сарын дараа омикроны халдвараар эмнэлэгт хэвтэж байгаа хүний тоо огцом өсөхгүй, одоогийнхтой ойролцоо байвал бүгд тайвширч болно гэж шинжээчид мэдэгджээ. Харин хэрэг бишдэх тийшээ хандвал ердөө хоёр долоо хоногийн дараа бүх зүйл ил болно гэжээ.

 Иймд хоосон хайп, сенсаци хөөсөн мэдээлэлд итгэлгүй шинжлэх ухааны үндэслэлтэй судалгаан дээр үндэслэсэн мэдээлэл гарах хүртэл хүлээцтэй байх нь хамгийн ухаалаг шийдэл болно.

 

 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна