“Twitter”, “Facebook” сүлжээнүүд Бээжингийн нийгэм улс төрийн бодлогыг дэлхий дахинаа түгээн сурталчилдаг 2,5 мянган бүртгэл, хаягийг устгасан тухай “” мэдээлсэн байна.
Тус сонины мэдээлснээр “Twitter” гэхэд л Шинжаан дах хүний эрхийн зөрчлийг үгүйсгэж, уйгур үндэстний талаар Бээжингийн явуулж байгаа бодлогыг дэмжсэн мэдээлэл тусгайлан тарааж байсан 2000 гаруй бүртгэлийг устгажээ. Эдгээр аккаунт нь тусгайлан Шинжаанд авсан гэх бичлэгийг тогтмол цацдаг, тэдгээр бичлэг нь Шинжааныг“хөгжил цэцэглэл, эрх чөлөөний нутаг” гэж сурталчилдаг байж.
Харин “Facebook” сүлжээ нь Швейцарын иргэн УилсонЭдвардс гэгч биологич эрдэмтэн гэх огт байдаггүй хүний нэрийн өмнөөс хаяг нээж, COVID-19-ийн талаарх АНУ-тай холбоотой хуурамч мэдээлэл түгээж байсан 500 хаягийг хаасан байна. Энэхүү огт байдаггүй хүний оруулсан мэдээг Хятадын хэвлэл мэдээллийн хэрэгслүүд өлгөн авч, иш татан АНУ-ыг буруутгах суртал ухуулгын кампанит ажилдаа ашигладаг байж.
Гэвч Бээжин дэх Швейцарын ЭСЯ-аас улсад нь “УилсонЭдвардс” гэх нэг ч хүн, тэр дундаа биологич эрдэмтэн байдаггүй гэж албан ёсоор мэдэгдсэний дараа Хятадын мэдээллийн хэрэгслүүд нэлээд эвгүй байдалд орсон гэж болно. Ингээд зогсохгүй ЭСЯ-ны мэдэгдлийн дараа “Facebook”-оос шалгаж үзэхэд “Уилсон Эдвардс” гэсэн бүртгэлийг Хятадын хэвлэлүүд түүний хэлснийг иш татаж эхлэхээс ердөө 12 цагийн өмнө нээсэн байсныг илрүүлжээ.
Хамгийн сонирхолтой нь “Twitter”, “Facebook” сүлжээ нь БНХАУ-ын нутагт хориотой. Хэдий ийм ч Бээжин энэ хоёр олон нийтийн сүлжээг дэлхийн хэмжээнд БНХАУ-ын талаарх эерэг төсөөлөл бүрдүүлэхэд идэвхтэй ашиглаж байгаа гэдгийг “>span class="s3">The New York Times” онцолжээ.
-15°C
Сэтгэгдэл (5)