Казахстаны Ерөнхийлөгч Касым-Жомар Токаев нь төрөөс, ялангуяа хүчний байгууллагаас анхны Ерөнхийлөгч Назарбаевын хүмүүсийг зайлуулах арга хэмжээг маш эрчимтэй хийж байна. Жишээлбэл, Казахстаны хамгийн хүчирхэг нууц алба болох Үндэсний аюулгүй байдлын хорооны дарга Карим Масимовыг халаад зогсохгүй, эх орноосоо урвасан хэрэг буруутган саатуулжээ.
Энэ Масимов нь хоёр ч удаа Ерөнхий сайдаар ажиллаж байсан, Назарбаевын дотнын хүн бөгөөд Үндэсний аюулгүй байдлыг хороог бүгдийг хянаж, чагнаж байдаг асар хүчирхэг байгууллага болгосон гэдэг. Гэтэл ийм байж олон мянган зэвсэгт этгээд үймээнд бэлдэж байгаад мэдэхгүй байх боломжгүй юм. Түүнийг нууц албаны дарга байх хугацаандаа уулархаг мужуудад алан хядагчид дасгал сургууль хийдэг төвүүд байгуулсныг мэдсээр атлаа нууцалсан гэж буруутгаж байгаа юм байна. Ерөнхийлөгчийн ойрын хүрээд энэ мэтээр төр засгийн хамгийн өндөр түвшин, түүн дотор хууль сахиулах байгууллагуудын дарга нарын хуйвалдаангүйгээр ийм олон мянган хүн бослого үймээн дэгдээж чадахгүй байсан гэж үзэж байгаа аж.
-15°C
Сэтгэгдэл (12)