2022/01/16
USD 2,811

Ховд аймаг олон нийтийг хамарсан үйл ажиллагааг хориглолоо

О.Шүрэнцэцэг
2022/01/13

Ховд аймгийн Онцгой комиссын дэргэдэх "Шуурхай штаб" энэ сарын 12-ны өдөр хуралдаж, цаг үеийн асуудлаар хэд хэдэн шийдвэр гаргалаа.

Тодруулбал, коронавирусний халдварын тархалтаас сэргийлэх үүднээс аймаг, сумдын удирдлагуудад “Цагаан сарын баяр”-ыг зөвхөн гэр бүлийн хүрээнд тэмдэглэх үүрэг чиглэл өгөв. Мөн олон нийтийг хамарсан арга хэмжээ, соёл урлаг, спортын тэмцээн, уралдаан зохион байгуулахыг ирэх хоёрдугаар сарын 7-ны өдөр хүртэлх хугацаанд хориглосон байна. 

Үүнээс гадна иргэн, аж ахуйн нэгж, төрийн байгууллагууд халдвар хамгааллын дэглэмийг сайтар баримталж ажиллах, шинжилгээ авах нэг цэгийн үйлчилгээний үйл ажиллагааг эрчимжүүлэх, халаалт дулаан хангамжийг сайжруулах талаар холбогдох байгууллага, мэргэжилтнүүдэд үүрэг чиглэл өглөө гэж Ховд аймгийн ЗДТГ-аас мэдээллээ. 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна