Бээжинд илэрсэн анхны омикроныг Канадаас “явуулсан” гэж сэжиглэжээ

Бээжин хотод илэрсэн омикроны анхны тохиолдлыг Канадаас ирсэн илгээмжтэй холбоотой байж магадгүй гэсэн эрх баригчид үзэж байгаа тухай “China Daily” мэдээлсэн байна.

 Бээжинд корона вирусийн омикрон хувилбарын анхны тохиолдолд нэгдүгээр сарын 15-нд бүртгэгдэн. Халдвар авсан эмэгтэй нь нэгдүгээр сарын 11-нд Канадаас явуулсан илгээмж хүлээн авсан байж. Хятадын мэргэжилтнүүд энэхүү илгээмжийн дотор тал ба дагалдах бичиг баримт дээрээс дээж авч шинжилгээ хийсэн аж. Ингэхэд бүх дээжээс омикрон илэрсэн байна.

Илгээмж авсан эмэгтэй шуудангаар ирсэн илгээмжийн гадна тал ба дагалдах бичиг баримтын эхний хуудаст хүрч байсан гэжээ. Бээжин хотын өвчний хяналт ба урьдчилан сэргийлэх төвийн орлогч дарга Пан Синхуогийн мэдээлснээр тэр эмэгтэй Канадаас ирсэн илгээмжээс омикроны халдвар авсан байх магадлал өндөр байгаа аж. Учир нь, эмэгтэй нь сүүлийн 14 хоногийн турш гэрээсээ хол газар огт явж байгаагүй нь батлагдсан байна. Хамгийн гол нь илгээмжээс илэрсэн омикрон нь Хятад нь өмнө нь илрээд байсан хувилбаруудаас ялгаатай байгаа юм байна. Ингэж ялгаатай байна гэдэг нь тэрхүү омикрон нь Хятадад илэрсэн халдварлах хэлхээс хамааралгүй гэсэн үг. Түүнчлэн энэ илэрч нь Хойд Америк, Сингапурт илэрсэн хувилбаруудтай илүү ойр байгааг тогтоожээ.

Бээжингийн анхны омикрон тохиолдол гэсэн эмэгтэй ойрын хавьтал 69 хүнийг хяналтад авч шинжилгээ хийхэд бүгд сөрөг гарсан байна.