Интернэтэд Хятадад байгуулан ковидын үеийн карантины төвүүдийн бичлэг тавигдсан нь ихээхэн шуугиан дэгдээгээд байгаа тухай RBK суваг мэдээлжээ. Бичлэг дээр хэдэн зуу, хэдэн мянган контейнер харагдаж байна. Ковид туссан гэж сэжиглэгдсэн хүмүүс энэ контейнер дотор хаашаа ч гаралгүй 14 хоног хатуу тусгаарлалтад байх ёстой.
Контейнерийн дотор тусдаа 00 өрөөтэй, модон ортой, дээвэр дээр агааржуулагч байрлуулсан.
Хятадын эрх баригчид ковидын тархалтыг тэг болгох хатуу дэглэм баримталж байгаагаас үүдэн ийм арга хэмжээг авч байгаа аж. Одоогоор гэртээ болон ийм карантины төвүүдэд хатуу хөл хорионд орсон хүний тоо 20 саяыг даваад байгаа аж.
Бээжин хотын баруун хэсэгт нэгэн ажилтнаас нь омикрон илэрсний дараа оффисын барилгыг дотор нь байгаа бүх ажилтнуудын хамт битүүмжилжээ. Оффисын барилга дотор түгжигдсэн хүмүүст хөнжил гудсыг нь дөхүүлж өгсөн байн. Мөн барилгыг тойруулан шинжилгээ авах майхан барьж эхэлжээ. Удахгүй түгжигдсэн хүн бүрийн заавал омикроны шинжилгээнд хамруулах юм байна.
Хятадын хотуудын гудамжинд ковидын шинжилгээ өгөх гэсэн хүмүүси олон км-ийн урттай дугаарлан зогсоцгоож байна.
Мөн Хятадын зарим хотод ковидын эсрэг хөл хорионы дэглэмийг санаатай зөрчсөн хүмүүсийг гудамж талбайгаар жагсаан авч явж, цээрлэл үзүүлжээ
Цар тахал эхэлснээс хойш Хятадад 105 мянга 258 тохиолдолд бүртгэгдсэн байна.
Хятадын төрийн тэргүүн Давосын эдийн засгийн чуулганы хүрээнд дэлхийн нийтэд хандан ковидын үр дагаврыг хамтдаа давж гарахыг уриалжээ. Мөн Бээжин хотноо Өвлийн олимпын болон Паралимпын тоглолтыг аюулгүй түвшинд явуулна гэж амласан байна.
23°C
Сэтгэгдэл (15)