Украйн нь Өрнөдийн хувьд №1 улс төрийн сэдэв болж хувираад удаж байна. АНУ тэргүүтэй өрнөдийн улс орнууд, тэдний хэвэл мэдээлэл нь ОХУ-ыг Украйн руу дайрч газар нутгийг нь эзлэх авахаар санаархаж байгаа тухай дөрвөн сарын турш өдөр болгон мэдэгдэл хийж, анхааруулсаар. ОХУ-ын зүгээс Ерөнхийлөгч Путинээсэхлээд Гадаад хэргийн сайд Лавров хүртэл албаны бүх хүмүүс Украйны руу дайрах ямар ч бодолгүй гэсээр атал Өрнөдийн сонин хэвлэл, сайд дарга нар өнөө маргаашгүй дайрлаа гэж мэдэгдэж, Украйныг дэмжсэн, Оросыг буруушаасан мэдэгдэл өдөр бүр хийж байна.
Жишээлбэл, Их Британийн Гадаад хэргийн сайд ЭлизабетТрасс нь энэхүү болзошгүй дайралтын тухай ээлжит мэдэгдэл хийхдээ “Украйн бол олон зууны түүхтэй нэр хүндтэй улс. Энэ улс нь монголчуудаас эхлээд татаарууд хүртэл олон түрэмгийллийг давж гарч чадсан юм. ....Тэд маш тэвчээр хатуужилтай хүмүүс. Шаардлагатай болбол украйнчууд эх орныхоо төлөө тулалдах болно” гэж мэдэгдэл хийгээд оросуудын доог тохуу болжээ.
Үүний хариуд Оросын ГХЯ-ны төлөөлөгч Мария Захарова нь Их Британийн сайдад хандан “Монголчуудын дайралтаас хэдэн жилийн дараа татаарууд дайрсан юм бол?” гэж лавлан асууж ёжилсон байна.
Түүнчлэн тухайн үед буюу XIII зуунд украйн үндэстэн, Украйн улс гэж бүрэлдэн тогтож амжаагүй үе тул яаж ч хичээсэн монголчуудын дайралтыг давж гарах боломжгүй юм.
Сэтгэгдэл (0)
Сэтгэгдэл бичигдээгүй байна