Н.Баасандамба: Сэтгүүлчид дарамт, заналхийллийг ажлынх нэг хэсэг гэж хүлээж авдаг болчихож

Сэтгүүлч, Ийгл телевиз Н.Баасандамба: 

Үүсээд байгаа нөхцөл байдал бол Ё.Отгонбаяр, Н.Өнөрцэцэг, У.оргилмаа гэсэн хүмүүсийн хоорондын тулга тойрсон хэрүүл биш. Энэ үйлдлийг илүү том агуулгаар харах ёстой.Сэтгүүлчийг "ална" гэсэн заналхийллээр дамжуулж хэвлэлийн эрх чөлөөг нугшин дарах, хэвлэлийн эрх чөлөөг боомилох гэсэн маш ноцтой үйлдэл гэж харж байна. Сэтгүүлч өдөр тутамдаа ажлаа хийснийхээ төлөө, баримтыг ил болгосныхоо төлөө байнга дарамт шахалт, сүрдүүлгэд өртдөг. Энэ асуудлыг олон нийт төдийлөн мэддэггүй. Магадгүй сэтгүүлчид бид ч гэсэн ийм асуудлыг сэтгүүлчийн ажлын нэг хэсэг байдаг мэтээр харж хүлцэн тэвчдэг болчихож. Энэ байдал даамжирсаар сэтгүүлчийг нугчин дарах замаар хэвлэлийн эрх чөлөөг үгүй хийх хэсэг бүлэг хүмүүст маш том орон зай гаргаад өгчихөж. Тиймээс бид энэ асуудлыг анхаарах ёстой юм байна. Хэвлэлийн эрх чөлөөнийхөө төлөө , хамгаалахын төлөө нэгдэж, амь нэгтэй байцгаая гэж хэлэхийг хүсч байна.