УИХ-ын гишүүн асан А.Сүхбатын хамаарал бүхий компани 2020 онд Хөгжлийн банкнаас 18.5 тэрбум төгрөгийн зээл авсан ч хуваарийн дагуу эргэн төлөлт хийхгүй явсаар өнөөдрийн байдлаар 23 тэрбум төгрөгт хүрээд байгаа юм. Уг асуудалтай холбогдуулж тайлбар өглөө.
Тэрбээр "Миний аж ахуйн бизнес, хамт олон, төрөл садны холбоотой хүмүүсийн ажил амьдрал намайг гишүүн болсон болохоор зогсох ёстой гэсэн юм байхгүй. Гишүүн байхаасаа ч өмнө тэгж явсан. Зээлээс зээлийн хооронд явдаг. Нэг амбаар барих ямар хэцүү гэдгийг ойлгох ёстой. Миний хувьд ЖДҮ-ийн зээл аваагүй. Миний ах, дүү, амраг санад яаж амьдрахыг би заахгүй. Аливаа ажил амьдрал, аж ахуйн нэгж зээлээр явна. Хоорондын зээлийн гэрээгээр бүх ажил явна.Барьцаа хөрөнгөө тавина. Зээл авч яагаад болохүй гэж. Асуух юмаа тухайн байгууллагаас нь асуу. Ямар бүтээн байгуулалт хийсэн юм. Зориулалтын дагуу ашигласан эсэхийг очоод шалга. Юу ч бариагүй юм шиг хардлага төрүүлэх ёсгүй. Миний хувьд хөрөнгө орлогын мэдүүлэгтээ тодорхой бичсэн. Ямар хувьцаа эзэмшиж байгаа нь тодорхой. Одоо бол УИХ-ын гишүүн биш. Бүтээн байгуулалт явж байна. Үр дүнд гарч байна. Үүний цаана 20 мянган хүн, 14 мянган жолоочийн асуудал яригдаж байна" гэсэн юм.
Эргэн сануулахад
УИХ-ын гишүүн асан А.Сүхбатыг 800 сая төгрөгийн ЖДҮ авахад дагаж явсан “Түгээмэл түмэн хишиг” компани Хөгжлийн банкны зээлийг тойрсонгүй. Тус компани 2020 онд Хөгжлийн банкнаас 18.5 тэрбумыг авсан бөгөөд нийт төлөх зээлийн хэмжээ 23 тэрбумд хүрчээ. Уг зээлийн төлөлт хийгдээгүйн улмаас шүүхэд шилжих зээлийн жагсаалтад ороод байгаа юм.
Баримт: “Түгээмэл түмэн хишиг” компанийн гүйцэтгэх захирал Гантөмөрийн Буяндэлгэр, түүний нөхөр А.Баттөгс бөгөөд А.Сүхбатын отгон дүү юм.
Сэтгэгдэл (0)
Сэтгэгдэл бичигдээгүй байна