Шүүх: Хөгжлийн банкны дэд захирал асан Ч.Мөнхбаярыг нэг сар цагдан хорих шийдвэр гаргалаа

Хөгжлийн банкны дэд захирал асан Ч.Мөнхбаярыг  шүүх хурал Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд өнөөдөр болов. Шүүхээс  Ч.Мөнхбаярыг сарын хугацаанд цагдан хорих шийдвэрийг гаргалаа.

Энэ талаар түүний өмгөөлөгч Б.Баатарсайхан "Манай үйлчлүүлэгчийг нэг сар таслан сэргийлэх арга хэмжээ авлаа. 14.9.1-ийг баримталж энэ шийдвэрийг гаргалаа. Бусдад нөлөөлнө л гэж үзлээ, нөлөөлсөн нь тогтоогдсон гэсэн шийдвэр гаргасан. Прокурорын санал бол хууль бус, албан хэрэг хөтлөлтийн шаардлага хангаагүй, дутуу ийм санал дээр үндэслэсэн. Тийм учраас өмгөөлөгчийн хувьд шүүгчийн захирамжинд гомдол гаргана" хэмээн мэдээллээ.