Хөгжлийн банк нь үйл ажиллагаа явуулдаггүй, татварын “Х” тайлан гаргадаг аж ахуйн нэгжид зээл олгодог, зээл олгосны дараа мөн “Х” тайлан гаргаж байгаа зэрэгт хяналт тавьж ажиллаагүйг Засгийн газраас Хөгжлийн банкинд хийсэн 2019 оны шалгалтын дүнд дурджээ. Энэ жишгээр зээл авсан Строй инвест, Нью Хаппи, Цэцэнс майнинг энержи зэрэг компаниуд байгаа юм.
Хөгжлийн банкнаас олгосон зээлийн талаас илүү хувь нь чанаргүй ангилалд шилжиж, банкыг дампуурлын ирмэгт авч ирсэн гол шалтгаан ердөө энэ. Хариуцлага, хяналт маш сул явж ирсэн. Цаашлаад зээл олгохдоо зээлдэгчээс хангалттай барьцаа хөрөнгө аваагүй, зээлийн зарцуулалт, төслийн хэрэгжилтэд хяналт тавьдаггүй гээд хариуцлага, хяналтгүйн олон жишээг хэлж болно. Банкнаас олгосон нийт зээлийн 25 хувь нь барьцаа хөрөнгөөр баталгаажаагүй буюу Ирээдүйд бий болох орлогыг барьцаалсан байдаг. Эхнээсээ авсан зээлээ зориулалтын бусаар ашигласан компаниуд ил болж, зарим нь хууль хяналтын байгууллагаар шалгагдаж байна. Өнөөдрийн байдлаар авсан зээлээ зориулалтын дагуу ашиглаагүй, мөнгө угаалт хийсэн байх магадлалтай Монгол эм импекс ХХК, Монгол мах ХХК, Капитал банк, Кью Эс Си ХХК, Эрд хул ХХК, Мавангүй ХХК, НВЦ зэрэг компаниудыг хуулийн байгууллагаас шалгаж байгаа юм.
Сэтгэгдэл (0)
Сэтгэгдэл бичигдээгүй байна