Прокуророос Б.Ариунзаяад хилийн хориг тогтоох саналыг шүүхэд хүргүүлжээ

2022 оны гуравдугаар сарын 1-ний өдөр 15:16 минутад Сүхбаатар дүүргийн 1 дүгээр хороо, Шангри Ла молл төвийн нэг давхрын кофе шопд “Танихгүй хүн манай найзын толгой дээр халуун кофе асгачихлаа” гэсэн дуудлага цагдаагийн байгууллагад бүртгэгдсэн байдаг. Уг асуудал  нийгэмд шүүмжлэл дагуулж байгаа учраас  тухайн хэрэгт холбогдогч Б.Ариунзаяаг сургуулиас хасах шийдвэрийг  МУИС-ийн Хуульзүйн сургуулийн захиргаанаас өчигдөр гаргасан. 

Б.Ариунзаяаг Монгол Улсын хилээр гарахыг хязгаарлах таслан сэргийлэх арга хэмжээ авах саналыг прокурорын байгууллагаас шүүхэд ирүүлжээ.

Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүх энэ саналыг өнөөдөр 13:30 цагт хэлэлцэнэ гэж тус шүүхээс мэдээллээ.