ЭХЭМҮТ-д үс идэх зуршилтай охины ходоодноос 1.2 кг үсийг амжилттай гаргажээ

ЭХЭМҮТ-д энэ сарын 01-нд үс идэх зуршилтай 13 настай охинд хагалгаа хийжээ. Охины ходоодноос 1,2 килограмм үс гаргасан байна. Охины биеийн байдал сайжирч эмнэлгээс гарсан талаар ярьж байлаа.

Энэ он гарснаар нийт таван хүүхдийн ходоодноос үс гаргах хагалгааг ЭХЭМҮТ-д хийсэн байна. Тодруулбал , 5-13 насны дөрвөн охин нэг хүүд энэ төрлийн хагалгааг хийжээ. Хүүхдүүд үсний самны сэв болон өөрийнхөө үсийг иддэг бөгөөд сүүлийн үед энэ төрлийн өвчлөл нэмэгдэх хандлагатай байгаа учраас эцэг эхчүүдийг хүүхдүүддээ анхаарлаа хандуулж байхыг зөвлөлөө. Уг асуудлаар бид ЭХЭМҮТ-ийн Ерөнхий мэс заслын тасгийн эмч, профессор А.Цэнджаваас тодрууллаа.