УБЕГ: Иргэн Т.Ганболд, Х.Янжингаажид нарын гэрлэлтийн бүртгэл анхнаасаа зөрчилтэй байсан тул хүчингүй болгосон

УБЕГ-ын Иргэний улсын бүртгэлийн газрын дарга Т.Нармандах:  Иргэн Г 2021 оны аравдугаар сард гэрлэсний бүртгэлийг хүчингүй болгуулах, гэрлэлтийн бүртгэл хийлгэж байгаагүй гэх гомдол мэдээллийг УБЕГ-т өгсөн. Гомдлын дагуу холбогдох хяналтын байцаагчийн шийдвэр гарсан байдаг. Тухайн иргэн өөрийн биеэр гэрлэсний бүртгэл хийлгэж байгаагүй. Гэрлэлт хууль бус байна гэх гомдол мэдээллийг шалгаж, гэрлэлтийг хүчингүй болгосон улсын байцаагчийн дүгнэлт гарсан байсан. Дүгнэлттэй холбоотой нөгөө талын иргэнээс захиргааны хэргийн шүүхэд хандсан гэж ойлгосон. Уг хэрэг шүүхийн шийдвэрлэх шатандаа явж байна. УБЕГ газар иргэн Г-ийн гэрлэлтийг хуулийн дагуу бүртгүүлээгүй, хүчин төгөлдөр бус гэж үзсэн.