О.Батхүү: Арилжааны банкиуд зээл олгохдоо иргэдээс 1%-ийн шимтгэл авч байгааг шүүхээс үндэслэлгүй гэж үзсэн

Арилжааны банкиуд иргэдэд зээл олгохдоо зээл судалсны шимтгэл гэж иргэдийн зээлээс нэг хувийн шимтгэл авдаг. Энэ байдлыг зогсоохоор хуульчид нэгдэн банкиудыг шүүхэд өгсөн байна. Гурван шатны шүүхийн шийдвэрээр арилжааны банкиуд иргэдийн авсан зээлээс нэг хувийн шимтгэл авч байгаа нь үндэслэлгүй гэдэг шийдвэр гарсан байна. Уг шүүхийн шийдвэртэй холбоотой Монголбанкийг арилжааны банкиудад хяналт тавьж асуудлыг шийдвэрлэх хугацаатай шаардлага хүргүүлжээ. Уг асуудлаар хуульч О.Батхүү мэдээлэл өглөө.