Төрийн хэмнэлтийн тухай хуулиар тэргүүн дэд, дэд, орлогч даргатай байхыг хориглосон. Үүнд төсвийн байгууллага болон төрийн байгууллага, орон нутгийн өмчийн байгууллагын албан тушаалтнууд хамаарах юм.
Тэгвэл энэхүү хууль хэрэгжиж төрийн зарим байгууллагууд хэмнэлт хийж орлогч дарга, дэд дарга нараа чөлөөлж эхлээд байгаа юм. Тодруулбал, өчигдөр /2022.05.25/ "Эрдэнэс таван толгой" ХК-ийн ТУЗ-ийн хуралдаанаар таван дэд захирлаа чөлөөлжээ.
ТУЗ-ийн шийдвэрээр:
Санхүү, хөрөнгө оруулалт хариуцсан дэд захирал Б.Жаргалсайхан, Санхүү, хөрөнгө оруулалт хариуцсан дэд захирал Н.Батбаяр, Захиргаа, хууль эрх зүй хариуцсан дэд захирал Б.Батсайхан, Борлуулалт, худалдан авалт хариуцсан дэд захирал С.Ашидмөнх, Барилга, дэд бүтцийн хөгжил хариуцсан дэд захирал Д.Энхболд нарыг чөлөөлөх шийдвэр гаргажээ. Мөн "Эрдэнэ тавантолгой" ХК-ийн гурван зөвлөх уг шийдвэрээр чөлөөлөгдсөн байна.
"Эрдэнэс тавантолгой" ХК таван охин компанитай. Тус компаниас нь охин компаниудынхаа дэд дарга нарыг чөлөөлөх чиглэл өгчээ.
Сэтгэгдэл (0)
Сэтгэгдэл бичигдээгүй байна