ЦЕГ-ын ХМТ-ийн дарга Б.Баатархүү: Эмээлтэд үйл ажиллагаа явуулаг "Эм Ди Си Пи" гэх махны үйлдвэрт байсан маханд хольсон байж болзошгүй цардуулаас "Формальдегид" бодис илэрсэн учраас гэмт хэргийн шинжтэй гэж үзсэн. Зургаадугаар сарын 02-нд НПГ-аас Эрүүгийн хуулиар эрүүл ахуй эрүүл ахуйн шаардлага хангахгүй хүнсний бүтээгдэхүүн худалдах, түгээх мөн Химийн хорт аюултай бодисыг хууль бус эргэлтэд оруулах гэх үндэслэлээр тус тус хэрэг бүртгэлтийн хэрэг нээж УЕПГ-аас ЭЦА-нд харьяалал тогтоон ирүүлснийг өчигдөр ЦЕГ-аас хэргийг хүлээн авсан. Мэдээлэл гарсан даруйд хүнсний аюулгүй байдалд МХГ-аас энэхүү асуудлыг эрх хэмжээнийхээ хүрээнд шалгасан. Энэхүү хэргийг ЦЕГ-аас ажиллагаанд мөрдөн шалгах ажил явуулсан. "Эм Ди Си Пи" компани нь БНХАУ- руу мах экспортлох зөвшөөрөлгүй, агуулахад нь хонь ямааны 234,8 тонн мах байсан. Тус компанийн агуулахад "ХКҮ"-ийн хаяг шошготой 4842 хайрцаг буюу 96 тонн мах илэрсэн. Өнөөдрийн байдлаар тухайн компанийн агуулах битүүмжлэлтэй байна. Тухайн байгууллагын агуулахад "ХКҮ" компанийн хаяг, шошготой мах байсан учраас аль алиныг нь шалгах шаардлагатай болсон. Тиймээс бид өчигдөр "Эм Ди Си Пи" комданийн оццис, захирлын гэр, "ХКҮ" компанийн оффис, захирлыг прокурорын зөвшөөрөлтэй шалгасан.
Сэтгэгдэл (0)
Сэтгэгдэл бичигдээгүй байна