Олимпийн аварга аварга Н.Түвшинбаярын шүүх хурал өнөөдөр /2022.06.08/ болж байна. Тэрбээр өөрийн сайн найз улсын начин Э.Энхбатыг согтуурсан үедээ зодож, тархинд нь болон бусад эд эрхтэнд нь хүнд гэмтэл учруулж амь насанд нь халдсан гэх хэргийг шүүх юм. Н.Түвшинбаярт холбогдох гэм буруугийн шүүх хуралдааны үеэр шүүх бүрэлдэхүүн татгалзсанаар өнгөрсөн сард тодорхойгүй хугацаанд хойшлоод байсан юм.
Тэгвэл өнөөдөр түүний шүүх хурал 09:00 цагт ХУД-ийн Эрүүгийн хэргийн анхан шатны шүүхэд эхэлсэн.
Хурлын эхэнд шүүгдэгчийн өмгөөлөгч Л.Данзанноров: "Хохирогчийн талд өмнө нь нөхөн төлсөн төлбөр дээр нэмж 363 сая төгрөг олгосон. Мөн Н.Түвшинбаярын гэр бүлийн шууд захиран зарцуулах эрхтэй хоёр үл хөдлөх хөрөнгийг хохирогчийн талд дахин нөхөн төлбөр болгон шилжүүлэн өгөхөө шүүхийн өмнө илэрхийлж байна" гэв.
Сэтгэгдэл (0)
Сэтгэгдэл бичигдээгүй байна