​С.Энхболд: Хүүхдэд хоёр удаа мэдээ алдуулах тариа хийж, саажилттай болгосон гэх эмчид хариуцлага тооцох мэдэл яаманд байхгүй

2019 онд Баянхонгор аймгийн нэгдсэн эмнэлэгт долоон настай хүү олгой авхуулах хагалгаанд оржээ. Унтуулгын эмч нь нугас руу нь мэдээ алдуулах тариа хийтэл үйлчлээгүй уйлсан учраас дахин судас руу нь хийсэн гэдгийг хүүгийн аав Б.Мөнхтогоо хэлж байгаа юм.

Хүү 11 хоног Баянхонгор аймгийн эмнэлэгт ухаангүй байдалтай байсан учраас аав, ээж нь Баянхонгор луу Говь-Алтайн онгоцыг гуйж хүүгээ Эх нялхаст авчирч нялхаст 10 гаруй хоног эмчлүүлж, ухаан орсон байна. Харамсалтай нь хүүгийн унтуулгын тариа  хэтэрснээс болж дөрвөн мөчний саажилттай болжээ. 

Хүүгийн аав ээж нь малчин учраас дөрөвдүгээр курсын оюутан хүүхдээ сургуулиас нь гаргаж асруулдаг талаар ярьж байлаа.