Сэрэмжлүүлэх дохио: Гол, мөрний усны түвшин 30-50 см нэмэгдэх төлөвтэй байна

Н.Мижидмаа
2022/06/22

Онцгой байдлын байгууллагаас иргэдийн аюулгүй байдлыг хангах, үер, ус, усны ослоос урьдчилан сэргийлэх ажлыг улсын хэмжээнд эрчимжүүлэн ажиллаж байна.

Энэ хүрээнд улсын хэмжээнд тохиолдож байгаа усны ослын тоо хохирлыг бууруулах, бага насны хүүхдүүдэд тавих эцэг, эхийн хараа хяналтыг сайжруулах, иргэдийн сонор сэрэмжийг дээшлүүлэх, мэргэжлийн байгууллагуудын хамтын ажиллагааг уялдуулах зорилгоор “Үер, уснаас үрсээ хамгаалъя” аяныг зохион байгуулж байна.

Завьт эргүүлийнхэн голын дагуу амарч зугаалж байгаа иргэдийн аюулгүй байдлыг хангах, усанд осолдохоос урьдчилан сэргийлэх зорилгоор улсын хэмжээнд завьт эргүүл, морин эргүүл, хөдөлгөөнт эргүүлийг ажиллуулж, гол, мөрөн, нуурын дагуу усанд орохыг хориглосон тэмдэг тэмдэглэгээ байрлуулах, голын эрэг дагууд амарч зугаалж байгаа иргэдэд сэрэмжлүүлэг хүргэн ажиллаж байгаа юм.

НОБГ-ын нийслэлийн Аврах анги 105-ын алба хаагчид, Цагдаагийн байгууллагатай хамтран “Завьт эргүүл” арга хэмжээг 11 дэх жилдээ Туул гол дагуу зохион байгуулж байна.

Цаг уурын байгууллагаас өнөөдөр өгсөн мэдээллээр /2022.06.22/ Сэлэнгэ мөрөн Зүүнбүрэн, Сүхбаатар хот орчимд болон Хэнтий нурууны баруун хажуугаас усжих Ерөө, Туул зүүн хажуугийн Онон, Хэрлэн гол Багануур дүүрэг орчимд усны түвшин өмнөх өдрийнхөөс 15-55 см нэмэгдэж Туул, Онон, Балж, Хэрлэн, Халх, Улз, Ховд гол үерийн түвшинг 5-35 см, Хэрлэн гол Багануур дүүрэг Мөнгөнморьт сум орчимд үерийн аюултай түвшинг 15-30 см даван тус тус хүчтэй үерлэжээ.

Маргааш буюу зургаадугаар сарын 23-нд Ерөө гол Дулаанхаан, Сэлэнгэ мөрөн Сүхбаатар хот орчимд усны түвшин 10-20 см, 25-26-ны өдрүүдэд Хэрлэн гол Чингис хот орчмоор усны түвшин 30-50 см нэмэгдэх төлөвтэй байна.

Ойрын өдрүүдэд төв болон зүүн аймгийн зарим нутгаар түр зуурын аадар бороо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд огцом нэмэгдэх , хуурай сайр, гуу жалгаар уруйн үер буух нөхцөл бүрдэхийг онцгойлон анхаарууллаа.

Иймд:

  • Гол, мөрөн нуурын ойролцоо амарч зугаалахдаа сонор, сэрэмжтэй байх,
  • Гэр бүл найз нөхөд, хамт олноороо амралт зугаалгаар явахдаа нэгдсэн зохион байгуулалттай, нэгнийгээ бүртгэдэг байх,
  • Хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах,
  • Согтууруулах ундаа хэрэглэсэн үедээ гол усанд орохгүй байх
  • Баталгаатай гүүр, гарам, гарцтай газраар автомашинтай зорчих, гол мөрний сав дагуу суурьшиж нутаглаж буй малчид усны ослоос урьдчилан сэргийлэхийг зөвлөж байна.

 Эх сурвалж: ОБЕГ, ЦУОШГ 


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
GUYUK metaverse дээр SocialPay Junior аппликэйшний эвент эхэллээ 14 цагийн өмнө
Булевиртид эмийг НӨАТ болон Гаалийн татвараас чөлөөлөх хуулийн төслүүдийг өргөн мэдүүлэв 15 цагийн өмнө
Ерөнхий сайд Л.Оюун-Эрдэнэ: Багш нар бол хамгийн шилдэг боловсон хүчин байх ёстой 16 цагийн өмнө
Малчны хоршоонд нэгдсэн малчдад Зээлийн батлан даалтын сан 100 хүртэлх хувийн баталгаа гаргана 17 цагийн өмнө
Хуучирч муудсан сурталчилгааны самбарыг буулгаж байна 17 цагийн өмнө
Б.Чойжилсүрэн: Энэ өвлийг иргэдийн цахилгааныг тасалж л давлаа 17 цагийн өмнө
Шилжин суурьших хөдөлгөөнийг энэ сарын 29-ний өдрөөс зогсооно 19 цагийн өмнө
Сүүлийн 10 хоногт 21 удаагийн ой, хээрийн түймрийн дуудлага бүртгэгдлээ 19 цагийн өмнө
Эрүүгийн хуулиар сэтгүүлчдийг яллагдагчаар татаж буйг эсэргүүцэж, ҮХЦ-д хандлаа 19 цагийн өмнө
МАН-ын анхан шатны байгууллагуудын удирдах ажилтны улсын зөвлөгөөн эхэллээ 20 цагийн өмнө
Зайсан тойруугийн нэг чигийн хөдөлгөөнийг цуцлах асуудлаар санал авч байна 20 цагийн өмнө
Куандук Бишинбаевд 20 жилийн ял төлөвлөжээ 20 цагийн өмнө
Нийтийн тээврийн төрлийг нэмэгдүүлэхэд Чех Улстай хамтран ажиллах боломжийг судална 20 цагийн өмнө
УИХ: Гадаадын иргэнд газрын 100 жилээр эзэмшүүлэх заалтыг хуулиас хаслаа 21 цагийн өмнө
Л.Энх-Амгалан: Сурагчдын хичээлийн тоог цөөлж, хүүхдийг шалгалтад бус амьдралд бэлтгэх хөтөлбөрт шилжүүлнэ 21 цагийн өмнө
​Шороон шуурганы аюултай үзэгдлээс сэрэмжлэхийг УОК анхаарууллаа 21 цагийн өмнө
НИТХ-ын дарга Ж.Батбаясгаланг Токио хотын ИТХ-ын дарга Үдагава Сатоши хүлээн авч уулзлаа 22 цагийн өмнө
Д.Амарбаясгалан: Малчдын хоршоодод урамшуулал болгож 5 га талбайг эзэмшүүлнэ 23 цагийн өмнө
Он гарсаар 3836 гадаадын иргэнд Монгол Улсад оршин суух зөвшөөрөл олголоо 23 цагийн өмнө
Шороон шуурга шуурч, эрс хүйтрэхийг онцгойлон анхааруулж байна Өчигдөр