Хэнтий аймгийн Засаг даргын санаачилгаар цусаа бэлэглэх аян эхлүүллээ

Цус цусан бүтээгдэхүүний аюулгүй, хангалттай нөөцтэй байх нь үндэсний аюулгүй байдлын салшгүй нэг хэсэг юм. Дэлхийн эрүүл мэндийн байгууллагаас тухайн улс үндэстний 3 хувь нь цусаа бэлгэлдэг байвал тухай улсын цус цусан бүтээгдэхүүний аюулгүй байдал хангагдана гэж үздэг аж.

Тиймээс Хэнтий аймгийн Засаг дарга Ц.Чогсомжавын санаачилгаар цус цусан бүтээгдэхүүний хангамжийг сайжруулах, цусны донорын үйлсийг сурталчлах, олон нийтийн оролцоог нэмэгдүүлэх, сайн дурын авлагагүй цусны донорын эгнээг өргөжүүлэх зорилгоор “Цусаа бэлэглэж эв нэгдлийг эрхэмлэн бусдын амь насыг аварцгаая” аяныг аймгийн Цусны салбар төвтэй хамтран зохион байгуулж байна.

Аяныг эхлүүлж өнөөдөр аймгийн Засаг дарга Ц.Чогсомжав, ЭМГ-ын дарга Л.Мэндбаяр, Хэрлэн сумын Засаг дарга бөгөөд Чингис хотын захирагч М.Шүрэнцэцэг, Нэгдсэн эмнэлгийн дарга Д.Оюунгэрэл нар цусаа хандивлажээ.

Нэг хүн цусаа бэлгэлэхэд гурван хүний амь насыг авардаг. Тиймээс иргэн бүрт эрдэнэт хүний амь насыг аврах боломж байна.