“Эко констракшн” компанийн барилга дээрээс хоёр ажилтан унаж, нэг нь нас баржээ

Хан-Уул дүүргийн 17-р хороо Маршил таун хотхоны дотор шинээр баригдаж байсан “Эко констракшн" ХХК-ийн барилгын ажлын үеэр өнөөдөр /2022.06.23/ барилгын өргүүр унаж хоёр хүн унаж, нэг нь нас барсан золгүй явдал болжээ.
Тодруулбал, тус барилгын зургаан давхарт гадна шилэн пасад хийж байсан ажилтан “Б” эрэгтэй 37 настай,  “Э” 35 настай эрэгтэй нар доош унаж “Б” нас барж “Э” 103 аар эмнэлэгт хүргэгдсэн байна. Энэ тухай дуудлага Цагдаагийн байгууллагад өдөр 16:00:25 цагт ирж,  мөрдөн шалгах ажиллагааг ХУД-ийн цагдаагийн 1-р хэлтэс үргэлжлүүлэн явуулж байна.

Тус барилгын гадна пасадны гүйцэтгэгчээр Луу-хүрд ХХК ажиллаж байсан бөгөөд Хан- Уул дүүргийн Мэргэжлийн хяналтын хэлтсээс энэ оны тавдугаар сарын 30-ны өдөр тус барилгын аюулгүй ажиллагаа'өргүүр' юүлктэй холбоотой буюу хуулийн хэрэгжилтийг ханган ажиллах тухай Улсын байцаагчийн албан шаардлагыг “Эко констракшн” ХХК-ийн удирдлагад хүргүүлж байжээ.

Өчигдөр ХУД-т барилгын кранд дарагдаж хоёр иргэн амиа алдсан. Мөн өнөөдөр зургаан давхраас хоёр иргэн унаж нэг иргэн нь амиа алдсан  харамсалтай хэргүүдийг Мөрдөн байцаах албанаас баг гарч шалгаж байгаа юм байна.