БНСУ руу дөрвөн шөнө, таван өдрийн аялалд манай улсын 126 иргэн явснаас 101 иргэн аялалаа дуусгаад Монгол руу буцжээ. Улмаар хоёр иргэн ковидын халдвар авч Жэжүд тусгаарлагдсан гэх мэдээлэл байгаа юм. Харин 23 иргэн сураггүй алга болсон тухай мэдээлэл БНСУ-ын хэвлэлээр цацагдаад байгаа юм. Уг асуудлаар МУ-ын Гадаад харилцааны яамны Консулын алба мэдэгдэл гаргажээ.
Мэдэгдэлд:
"БНСУ-ын Жэжү хотод монгол иргэд сураггүй алга болсон, хууль зөрчсөн, гэмт хэрэг үйлдсэн, эсхүл гэмт хэргийн хохирогч болсон тухай мэдээллийг солонгосын талаас албан ёсоор ирүүлээгүй болохыг үүгээр мэдэгдэж байна" гэсэн юм.
Харин уг асуудлаар БОАЖ-ын сайд Б.Бат-Эрдэнэ: БНСУ-ын Жэжү аралд эрүүл мэндийн аяллаар явсан Монголын 23 иргэн аяллын хөтөлбөрөө дуусгасныхаа дараа холбоо тасарсан асуудлаар Монгол хүн монгол хүндээ хайртай баймаар байна. 23 иргэнийг долоодугаар сарын 21-нийг хүртэл эрэн хайх ажиллагаа явуулахгүй. Эдгээр хүмүүсийг эрэн сурвалжлах нөхцөл байдал үүсээгүй. Тийм учраас долоодугаар сарын 21-нийг хүртэл тухайн хүмүүсийг хууль бусаар оргон зайлсан гэж мэдэгдэл хийх нь өрөөсгөл асуудал. 23 иргэнийг хууль бусаар харласан мэт мэдээлэл түгээхгүй байхыг хүсье.
Видеогоор үзэх:
Сэтгэгдэл (0)
Сэтгэгдэл бичигдээгүй байна