Г.Цогтбаатар: УБТЗ тээвэр зуучуудаа дэмжих үүднээс хаяг солилт болон бүх төрлийн үйлчилгээгээ хамгийн бага боломжит тарифт хүргэсэн

Н.Мижидмаа
23 цагийн өмнө

УБТЗ тээвэр зуучуудаа дэмжих үүднээс хаяг солилт болон бүх төрлийн үйлчилгээгээ хамгийн бага боломжит тарифт хүргэсэн.

Замын-Үүд дэх УБТЗ-ын Шилжүүлэн ачих ангийн дарга Г.Цогтбаатартай ярилцлаа. 

-Импортын тээврийн нөхцөл байдалтай холбоотойгоор Замын-Үүдэд тодорхой тооны чингэлгийг олгох ажил эхэлсэн. Өнөөдрийн байдлаар та бүхэн хэчнээн чингэлгийг эздэд нь олгов. Мөн танай ангийн нөхцөл байдал, ямар зохион байгуулалтаар ажиллаж байгаа талаар манай уншигчдад мэдээлэл өгөөч?

            -УБТЗ нийт 190 орчим чингэлгийг Замын-Үүдэд олгохоор шийдвэрлэсэн. Үүнээс 1-р талбайд 60, Бүс нутгийн логистикийн төвд 73 чингэлгийг эздэд нь олгохоор байршуулчихаад байна. Өнгөрсөн хоёр хоногийн хугацаанд 20 гаруй чингэлгийг олголоо.Тээвэр зууч, ачаа хүлээн авагчид маань аль болох хурдан шуурхай, ачаа бараагаа татан авах бүрт бид дараа дараагийн чингэлгийг талбайд байршуулж, олгоод явах болно. Хүчин чадлын хувьд  1-р талбай 60 чингэлэг олгох хүчин чадалтай. Харин Бүс нутгийн логистикийн төвд нэг удаагийн олголтоор 100 чингэлэг олгоно гэж бид тооцсон. Хэрэв энэ 160 дээр нэмэх шаардлага гарвал 3-р талбайгаараа бас олгох ийм альтернатив хувилбаруудыг тооцоолж гаргаад байгаа.

             -Сайншандад хувийн талбай ашиглаад олголт хийж байгаа тухай мэдээлэл бий. Тэнд олголт хэрхэн хийж байна. Нөхцөл байдал ямар байна вэ?

-Тэндхийн нөхцөл байдлын талаар надад мэдээлэл бага байна. Бидний хувьд Сайншандад хүлээн авна гэсэн чингэлгүүдийг ямар нэгэн саадгүй, шуурхай явуулна. Гэхдээ талбайн хувьд жижиг юм билээ. Бидэнд “Чингэлэг хүлээлгэн өгөхөө түр хугацаанд азнаач” гэсэн хүсэлт тавьсны дагуу бид хүлээлтийн горимд шилжсэн. Тэр утгаараа хэд хоногтоо тус өртөө рүү чингэлэг хаяглахгүй. Зөвхөн манайд олголт хийнэ гэсэн үг. Гааль, бичиг баримтын бүрдүүлэлт хийснийхээ дараа ачаа хүлээн авагчид маань манайхаас ачаагаа хүлээн авах ёстой байдаг.Тэгвэл энэ процесс нэг үеэ бодвол нэлээд жигдэрсэн юм уу даа гэж харагддаг. Яагаад гэхээр, УБТЗ, ГЕГ, Замын-Үүдийн гаалийн хамтын ажиллагааны хүрээнд аль аль байгууллага нь иргэдэд чирэгдэлгүй, хурдан шуурхай, уялдаа холбоо сайтай ажиллаж байгаагийн илрэл юм болов уу. 

-УБТЗ тээвэр зуучуудаа дэмжих, тэдний тээврийн зардлыг бууруулах үүднээс хаяг солилтынхоо төлбөрийг тэглэсэн шүү дээ. Үүнд тээвэр зуучууд, ачаа хүлээн авагчид ямар сэтгэгдэлтэй байх юм бэ. Энэ нь, тэдэнд дэмжлэг болж чадаж байна уу?

-Тийм ээ. УБТЗ тээвэр зуучуудаа дэмжих үүднээс хаяг солилт болон бүх төрлийн үйлчилгээгээ байж болох хамгийн бага боломжит тарифт хүргэсэн. Жишээлбэл, Бүс нутгийн логистикийн төвд бид ачаатай чингэлэг олгоод хоосноор нь буцааж хураагаад байвал талбай маань дүүрнэ. Тэднийг өөр талбай руу зөөж байршуулахаас өөр аргагүй. Энэ хооронд гарах зардлыг байж болох хамгийн бага түвшинд байлгахын зэрэгцээ хаяг солилтоос чөлөөлөх гээд олон талын арга хэмжээ УБТЗ-аас авч байна. Зарим нэг тээвэр зууч, ачаа хүлээн авагчидтай уулзсан. Сэтгэгдэл өндөр байгаа санагдлаа. Ямар нэгэн байдлаар тайлбар тавих, гомдол санал гаргах хүн огт алга. Гэхдээ аль аль талынх нь үйл ажиллагаа 100 хувьд хүрчихээгүй. Тээвэр зуучууд, ачааны эзэдтэйгээ ярилцаж тохиролцоод шийдэх ганц нэг асуудал бий. Тиймээс зуучуудаа цуглуулж уулзахаар хурал зарласан байгаа. Ингэж тэндэнтэй нэгдсэн ойлголтод хүрч цаашид гарч болох хүндрэлээс сэргийлэх нь чухал юм.

-Хилийн тэг цэгээс чингэлэг татан авах ажлын талаар мэдээлэл өгөөч. Өнөөдрийн байдлаар хэчнээн чингэлэг татан аваад байна вэ?

-Хилийн тэг цэгээс чингэлэг татан авч эхэлснээс хойш яг өнөөдрийн байдлаар нийт 10675 чингэлгийг БНХАУ-ын талаас ачаатайгаар татан авсан. Буцаагаад 8660 хоосон чингэлэг өгсөн. Үлдсэн 2000 гаруй чингэлэг нь Замын-Үүдэд болон орон нутагт ачаанаас сулраад Эрээн гарахаар хүлээгдээд байж байна. Эднээс манай талбайд 200 гаруй нь бий. Бид БНХАУ-ын талтай өдөрт 70-80 чингэлэг татан авч байгаа. Үүнийг 100-д хүргэхээр Хятадын талтай ярилцсан. Ерөнхийдөө тэр хэмжээнд хүргэх боломжтой. Дээр дурдсан 10675 чингэлгээс төмөр замаар ердөө 1000 чингэлэг л тээвэрлэгдсэн. Бусад нь бүгд автомашинаар нийслэл хот, орон нутаг руу хүргэгджээ. Ингээд харвал, Замын-Үүдийн авто тээвэр эрхлэгчид маань огт ачаагүй хоосон зогссон уу гэвэл үгүй. Буруу ташаа мэдээллийг санаатайгаар цацсан байна лээ. Автын тээвэр хэдий төмөр замд хамааралгүй ч гэсэн УБТЗ энэ тээврийг зохион байгуулахад өөрийн талбайгаар хангаж, логистикийн үйл ажиллагааг нь зангидаж явуулсан гэдгийг хэлэх хэрэгтэй. Энэ нь, сум орон нутаг, цаашлаад Монгол Улсын эдийн засгийн орчныг тогтвортой хэвийн байлгахад ихээхэн нөлөө үзүүлсэн гэж ойлгоход болно. Түүнээс УБТЗ үнийн хөөрөгдөл үүсгээд байгаа мэтээр зарим нэг хэвлэл, мэдээллийн хэрэгслээр тайлбарлах нь буруу. Ачаа бараагаа хилээр оруулж ирж чадахгүй, яаж боловсруулахаа мэдэхгүй байхад нь УБТЗ л талбайгаа ашиглуулан энэ бүх ачаа боловсруулалтыг хийсэн шүү дээ.

-Цаг зав гарган ярилцсанд баярлалаа. Таны цаашдын ажилд амжилт хүсье!                                                                                 

                                                                                Ярилцсан Б. Мөрөн


0
angry
0
care
0
haha
1
liked
0
love
0
sad
1
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Австрали улсад найман тэрбум дахь иргэн болж мэндэлсэн А.Мэргэн хүү төрсний гэрчилгээгээ авчээ 23 минутын өмнө
"Асаж буй толгод" жүжгийг алслагдсан дүүргийн 650 гаруй сурагчдад үзүүллээ 46 минутын өмнө
П.Батчимэг: Ч.Ундрам гишүүн Төрийн ордонд үйлдэгдсэн хүн амины хэргийн үйлдсэн “эзнийг” мэдээд яриад байгаа бус уу 57 минутын өмнө
Сэтгэл санааны хохиролд шаардсан 3,678,800 төгрөгийг хариуцагч төлөх үүрэгтэй гэж шийдвэрлэжээ 1 цагийн өмнө
Г.Занданшатар: Ард иргэдийн 75,3 хувь нь үнийн өсөлтөөс болж доройтож байгаа гэх судалгаа байна 1 цагийн өмнө
Малаа хураахаар яваад сураггүй болсон 61 настай иргэнийг эсэн мэнд олжээ 2 цагийн өмнө
Засгийн газрын хуралдаанаар нүүрсний хулгайн асуудлаар сонсгол хийж байна 2 цагийн өмнө
​Шинэ шийдэл бүхий оюутны дотуур байрны нэг өрөөнд хоёр оюутан амьдарна 3 цагийн өмнө
Улаанбаатарт 16 хэм хүйтэн 3 цагийн өмнө
Ц.Цэрэнпунцаг: Би нүүрсний хулгайч биш, миний хувь эзэмшдэг компани Австралийн биржид бүртгэлтэй 17 цагийн өмнө
Г.Ганболд: Нүүрсний хулгай тойрсон нээлттэй сонсголыг энэ сарын 21-нд зохион байгуулж, нууц гэрээнүүдийг ил болгоно 17 цагийн өмнө
Т.Доржханд: Нүүрсний хулгайчид илчлэгдэхгүй нь гээд баярлаад явж байна гэсэн 17 цагийн өмнө
УПЕГ: Нүүрсний бизнес дагасан авлигын хэргийг прокурор хаагаагүй 18 цагийн өмнө
"Монгол кантри мюзик" урсгалын уран бүтээлч Т.Баатар гэрэл зургийн үзэсгэлэнгээ нээлээ 19 цагийн өмнө
У.Цогтбаяр: Ард иргэд нэгдэж ЗГ-ыг ОУ-ын Арбитрын шүүхэд өгмөөр байна 19 цагийн өмнө
ЦЕГ: Эрэгтэй сурагчид найз охинтой нь хувийн харилцаа тогтоолоо гэж нэгнээ зодсон 19 цагийн өмнө
МАН-ЫН БҮЛЭГ: ҮХНӨ-өөр гишүүдийн тоо болон сонгуулийн тогтолцоог өөрчилнө 20 цагийн өмнө
МАН-ын бүлэг: Ерөнхий сайдыг эхлээд "Нүүрсчиддээ​ хариуцлага тооц" гэжээ 20 цагийн өмнө
У.Хүрэлсүх: Нүүрсний хэргээр УИХ нээлттэй сонсгол хийж, ард түмэнд ил тод мэдээлэх нь зүйтэй 21 цагийн өмнө
Н.Энхбаяр: Тогтолцооны өөрчлөлтийг дэмжиж байна, парламентыг хоёр танхимтай болгох нь зөв 21 цагийн өмнө